Volvo V40 Cross Country frumsýndur á laugardaginn

Brimborg frumsýnir Volvo V40 Cross Country á laugardaginn milli kl. 12 og 16 í sýningarsal Volvo að Bíldshöfða 6. Volvo V40 Cross Country er aflmikill, stórglæsilegur og veghæðin er mikil. Útlitið er nú orðið enn einbeittara með nýju grilli, nýjum Þórshamar-LED framljósum og 17“ Keid álfelgum. Volvo V40 Cross Country kostar frá 4.590.000 kr.

Á staðnum verða einnig Volvo V40 R-Design og Volvo S60 Polestar. Volvo S60 Polestar er með 2,0 lítra 367 hestafla bensínvél með túrbínu og keflablásara. Togkrafturinn er 470 Nm. Sjálfskiptingin er 8 gíra og hann er með Borg Warner fjórhjóladrifi. Hröðun frá 0 til 100 km er 4.7 sek. og það tekur bílinn 17.2 sek. að ná 200 km hraða. Verð hans er 9.490.000 kr.