Nýir veiðiþættir á Stöð 2

Næstkomandi fimmtudag hefja göngu sína nýjir veiðiþættir á Stöð 2 í umsjón Gunnars Bender og Steingríms Jóns Þórðarsonar.

Veiðimenn koma líklega til með að fagna því að nýjir veiðiþættir séu að byrja á dagskrá Stöðvar tvö því framboð af veiðiþáttum á íslensku hefur verið frekar af skornum skammti síðustu ár. Fyrsti þátturinn verður á fimmtudaginn strax eftir fréttir í opinni dagskrá og verður stiklað á opnun Norðurár í þeim þætti en þar koma meðal annars fram Kristján Jóhannsson og Kristinn Sigmundsson.  Í þessum fyrsta þætti var einnig kíkt við í Langá á Mýrum.  Meðal efnis næstu þátta má nefna veiðar í Ytri Rangá, Þverá í Borgarfirði, þáttur um sjóbirtingsveiði, urriðaveiði á Þingvöllum og þáttur þar sem Bubbi Mothens fer í stórlaxaslag.  Alss voru myndaðir fjórir þættir og eins og segir fer fyrsti þátturinn í loftið strax eftir fréttir á fimmtudaginn.