Tryllt auglýsing frá Kenzo leikstýrð af Spike Jonze

Auglýsingin fyrir nýtt ilmvatn frá tískuhúsinu Kenzo er leikstýrð af virta framleiðandanum og leikstjóranum Spike Jonze. Hann hefur meðal annars leikstýrt kvikmyndunum Her og Where the Wild Things Are. Auglýsingin er fyrir nýjasta ilmvatn Kenzo, Kenzo World. 

Það er óhætt að segja að auglýsingin sé ansi tryllt en hún minnir meira á stuttmynd heldur en auglýsingu. Leikkonan og fyrirsætan Margaret Qualley fer með aðalhlutverkið í auglýsingunni. Hún stígur trylltan dans við æst lag en hægt er að horfa á auglýsinguna hér fyrir neðan.