Sir Davos úr GoT í MMA

Írski leikarinn Liam Cunningham sem fer með hlutverk hins réttláta Sir Davos í Game of Thrones skellti sér á dögunum í MMA bardagaþjálfun hjá John Kavanagh. Sá síðarnefndi er líklegast þekktastur fyrir að þjálfa bardagaundrin Gunnar Nelson og heimsmeistarann Conor McGregor.

Cunningham hefur hingað til aðeins barist með sverði í þáttunum en miðað við þessar myndir þá gæti alveg eins verið von á því að Sir Davos komi til með að lenda í handalögmálum í komandi sjöundu seríu en tökur á henni hefjast fljótlega. Cunningham er 55 ára gamall og á því enn nóg inni.

Það er mál manna að leikarinn hafi staðið sig vel í átthyrningnum en myndband af kennslustundinni má sjá hér fyrir neðan.

A video posted by Coach Kavanagh (@coach_kavanagh) on Jul 2, 2016 at 9:15am PDT