RBS sker niður 900 störf

Royal Bank of Scotland mun á næstu misserum skera niður um níu hundruð störf í Bretlandi, samtals verður því skorið niður um fimm prósent af heildarfjölda starfsmanna. Reuters greinir frá þessu.

Störfin sem um ræðir eru meðal annars á sviði upplýsingatæknis. RBS, sem er að 73 prósent hluta í eigu breska ríkisins, er í miðju endurskipulagningaferli til að draga úr kostnaði og er niðurskurðurinn liður í því.

Forsvarsmenn bankans vildu ekki staðfesta heildarfjölda uppsagna innan bankans en staðfestu að niðurskurður væri yfirvofandi og að bankinn vildi einbeita sér að viðskiptastarfsemi í Bretlandi.

Á síðastliðnu ári hafa evrópskir og bandarískir bankar tilkynnt um uppsagnir tugi þúsunda starfsmanna.