Aldrei fleiri út­skrifaðir úr Tækni­skólanum

Alls voru 423 nemendur útskrifaður úr Tækniskólanum í gær. Það er fjölmennasta útskrift skólans frá upphafi. Útskriftarathöfnin fór fram í Hörpu í gær.

67 voru útskrifaðir frá Byggingatækniskólanum, 27 frá Handverksskólanum, sex af Hönnunarbraut, 21 úr Raftækniskólanum, 20 úr Skipstjórnarskólanum, 41 úr Upplýsingatækniskólanum, 58 úr Véltækniskólanum, 31 úr Tæknimenntaskólanum, 23 úr Flugskólanum, 55 úr Meistaraskólanum og 19 úr Margmiðlunarskólanum.

Samkvæmt tilkynningu frá Tækniskólanum útskrifuðu mæðgin í gær sem bæði hlutu verðlaun fyrir góðan árangur á sinni braut. Elín Sigríður Harðardóttir lauk námi frá Hönnunarbraut og sonur hennar Hrafn Logi Hermannsson lauk nám á Tölvubraut.

Dúx skólans er Anna Kristín Ólafsdóttir með einkunnina 9,85. Hún lærði grafíska miðlun við Upplýsingatækniskólann.