HK Íslandsmeistari fimmta árið í röð

HK varð í gær Íslandsmeistari karla í blaki fimmta árið í röð eftir 3-2 sigur á KA í Fagralundi. HK vann einvígið 3-0.

Eftir tap í fyrstu tveimur leikjum einvígisins þurftu KA-menn nauðsynlega að vinna leikinn í gær og þeir byrjuðu betur.

Norðanmenn komust í 2-1 en HK-ingar unnu fjórðu hrinu afar sannfærandi, 25-9, og tryggðu sér svo sigurinn, og Íslandsmeistaratitilinn, með 15-11 sigri í oddahrinunni.

Fimmti titill HK í röð því staðreynd en liðið hefur alls níu sinnum orðið Íslandsmeistari.