Nýtt eintak af Sportveiðiblaðinu komið út

Nýtt tölublað af Sportveiðiblaðinu er komið út og að venju taka veiðimenn öllu lesefni um veiði fagnandi og þá sérstaklega þegar veiðin er að komast vel í gang.

Meðal efnis í blaðinu er viðtal við Sturlu Birgisson sem er nýr leigutaki af Laxá Á Ásum, Bjarki Gunnarsson matreiðslumaður kennir veiðimönnum að matreiða svartfugl en svartfuglstímabilið stendur nú yfir, Rqasmus Owesen fjallar um stórfiskaveiði í Stóra Bjarnavatni í Kanada, Valgerður Árnadóttir segir lesendum frá veiðiferð sem hún fór nýlega í til Grænlands, Haraldur Eiríksson fer yfir veiðistaði í hinni rómuðu á Laxá í Kjós og margt fleira.

Blaðinu hefur þegar verið dreift og má nálgast í öllum veiðiverslunum og flestum sölustöðum dagblaða og tímarita.