„Fékk örugglega heilahristing og með því“

Díana Dögg Magnúsdóttir var borin af velli þegar Fram sló ÍBV úr leik í 8-liða úrslitum úrslitakeppni Olísdeildar kvenna í kvöld.

Atvikið átti sér stað þegar sex mínútur voru til leiksloka og að sögn Hrafnhildar Skúladóttur, þjálfara ÍBV, virtist höggið sem hún fékk hafa verið nokkuð þungt.

„Augað á henni leit rosalega illa út og hún hefur örugglega fengið heilahristing og með því. Þannig að hún verður sennilega frá í einhvern tíma,“ sagði Hrafnhildur.

Nánari umfjöllun og viðtöl um leikinn má finna hér fyrir neðan.