Boða til annarra mótmæla

Búið er að boða til mótmæla anna daginn í röð á Austurvelli. Að þessu sinni er það hópurinn Beinar aðgerðir sem kemur að mótmælunum, en hreyfingin Jæja skipulagði mótmælin í gær. Þingfundi hefur þó verið frestað í dag.

Til stendur að mótmælin hefjist klukkan fimm.

„Komum saman á Austurvelli að nýju og höldum í hitann sem hefur myndast - með hljóðfæri, eldivið, mat, drykk og baráttugleðina við hönd!“

Þetta kemur fram á Facebooksíðu mótmælanna, sem heitir Annar í mótmælum.

Að neðan má sjá upptöku frá mótmælunum í gær.