Bein útsending frá Alþingi: Bjarni og Sigurður sitja fyrir svörum

Boðað hefur verið til þingfundar klukkan hálf ellefu í dag og verður hann í beinni útsendingu hér á Vísi. Þetta er fyrsti þingfundurinn sem kallað hefur verið til síðan á mánudag. Á mánudag var Sigmundur Davíð Gunnlaugsson forsætisráðherra krafinn svara um félagið Wintris. Hann mun formlega segja af sér vegna málsins í dag. 

Á dagskrá verða óundirbúnar fyrirspurnir og til svara verða fjármála- og efnahagsráðherra, sjávarútvegs- og landbúnaðarráðherra, mennta- og menningarmálaráðherra og umhverfis- og auðlindaráðherra.

Áætlað er að óundirbúnu fyrirspurnirnar taki um eina klukkustund.

Uppfært:

Fundi hefur verið frestað vegna tæknivandamála. Hann hefst að nýju klukkan ellefu. Nánari upplýsingar um málið hér.