Lífið

Stjörnurnar í dag fara fyrir mótmælendum: „Kveikjum í öllu og byrjum að byggja aftur“

Jakob Bjarnar og Stefán Árni Pálsson skrifa
Helstu dægurstjörnur nútímans eru nú í fylkingarbrjósti mótmælenda, sem lýsir byltingu hugarfarsins.
Helstu dægurstjörnur nútímans eru nú í fylkingarbrjósti mótmælenda, sem lýsir byltingu hugarfarsins. mynd/garðar
Helstu dægurstjörnur samtímans fara hvergi leynt með pólitískar skoðanir sínar. Þær flagga þeim nú sem mest þær mega og á samfélagsmiðlum hvetja margar þeirra til mótmæla á Austurvelli. Stjörnur dagsins í dag fara hátt með vanþóknun sína á stjórnvöldum. Þetta er alveg nýtt, og í dægurmenningunni má greina viðhorfsbreytingar í samfélaginu.

Á undanförnum árum og áratugum hefur það einkennt skemmtikrafta og poppstjörnur það að þeir flagga ekki sínum pólitísku skoðunum. Þar á bæ hafa menn litið svo á að þeir séu atvinnumenn sem slíkir og það sé ekki gott fyrir viðskiptin, að vera að merkja sig tilteknum pólitískum sjónarmiðum. Enginn þarf að velkjast í vafa um að Stebbi Hilmars, Helgi Björns og Bó, svo einhverjir séu nefndir, eru ekki neinar geðlurður. Þetta eru skoðanaríkir menn. En sé farið á tímarit punktur is og leitað eftir viðtölum við þessa menn þá eru eru vandfundnin orð sem túlka má sem pólitísk, nema þá í víðari merkingu.

Mikilvæg undantekning á þessari reglu er Bubbi Morthens. En, hann hefur farið í gegnum mörg tímabil og hefur fengið yfir sig skammir þess efnis að hann hafi selt sig. Það er til marks um hið vakandi auga sem haft er með dægurstjörnunum. Björk mætti hugsanlega nefna til sögunnar sem pólitíska, hún hefur talað gegn virkjunum en Björk á lítið undir hinum íslenska skemmtibransa.

Hugsanlega má rekja þessar breytingar að einhverju leyti til samfélagsmiðla, auðveldara er að koma skoðunum sínum á framfæri og menn þurfi einfaldlega að rífa kjaft vilji þeir vekja á sér athygli. Og, þetta snýst um athygli. Og kannski má segja að aukin hlutdeild rapps í dægurmenniningu hafi sitt að segja; þar er innbyggt það að rífa sig.

Í það minnsta er svo komið að helstu stjörnur dagsins í dag fara í fylkingarbrjósti mótmælenda, þeir hvetja til uppreisnar og ætla að mæta á mótmælin við Austurvöll en þangað streymir nú fólk til mótmæla.

Rapparinn Gauti Þeyr, betur þekktur sem Emmsjé Gauti, tísti til að mynda eftirfarandi í gærkvöldi; „Sorry með dónaskapinn. En nú þurfum við að vera með læti. Þetta kjaftæði verður ekki liðið. Kveikjum í öllu og byrjum að byggja aftur.“

Rappsveitin Úlfur Úlfur tísti einnig í gær; „Annar okkar er í Svíþjóð en hinn, ásamt Kött Grá Pjé verðum fremstir í flokki á morgun. Fuck all this bullshit“

Sjálfir segir Kött Grá Pjé; „Heilar þjóðir deila ekki hagsmunum eða kjörum. Stéttir munu stríða. Hér er auðstétt sem ætlar að verja sérstöðu sína með kjafti og klóm.“

Fleiri úr skemmtanabransanum hafi miklar skoðanir á pólitískri stöðu þjóðarinnar og má þar nefna Sögu Garðarsdóttir, grínista, sem tísti einmitt í dag; „Ég hef ákveðið að segja ekki málefnalegan brandara um þessi lúða bjúgu fyrr en þau byrja að bera virðingu fyrir mér og boða til kosninga.“

Grínistinn Halldór Halldórsson, betur þekktur sem Dóri DNA, hefur gríðarlegar skoðanir á pólitík. Hann er duglegur að tjá sig á Twitter og tísti til að mynda; „Mér líður eins og einhver hafi skitið upp í mig.“

Bræðurnir Unnsteinn Manúel og Logi Pedro eru mjög ákveðnir þegar kemur að því að tjá sig um pólitík og spurði Unnsteinn til að mynda ráðherra ríkisstjórnarinnar í gær þessara spurningar; „Af hverju segiði ekki í ALVÖRU af ykkur?“

Stelpurnar í rappsveitinni Reykjavíkurdætur hvöttu almenning til að mæta á mótmælin á Austurvelli á mánudaginn og voru þar yfir tuttugu þúsund manns þegar mest lét.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.