Vonar að forsætisráðherra bregðist við áður en vantrauststillaga verði lögð fram

„Að sjálfsögðu ætti hann að segja af sér. Að sjálfsögðu. Ég held að í öllum þroskuðum lýðræðisríkjum að þá myndi hann segja af sér, að sjálfsögðu. Mér finnst það furðulegt að það sé einhver vafi um það," segir Helgi Hrafn í samtali við Vísi.
Allir stjórnarandstöðuflokkarnir á Alþingi hafa rætt vantrauststillögu á Sigmund Davíð vegna upplýsinga um að eiginkona hans, Anna Sigurlaug Pálsdóttir, eigi verulegar eignir inni í félaginu Wintris, sem skráð er á Bresku jómfrúreyjunum. Flokkarnir hafa þó ekki rætt saman formlega um sameiginlega vantrauststillögu en hyggjast krefjast svara um málið eftir páska.
„Það skiptir máli hvernig á svona málum er haldið. Tímasetningar skipta máli. Hvernig umræðan þróast skiptir máli og hvað kemur í ljós núna á næstu vikum á meðan þingið er ekki að störfum. Það yrði fyrst hægt að leggja fram vantrauststillögu, ef það verður ákveðið að gera það, eftir tvær vikur. En auðvitað hlýtur allt samfélagið að vera að tala um vantrauststillögu, allt samfélagið að tala um að þetta sé ekki boðlegt," segir Helgi, sem gagnrýnir það harðlega að Sigmundur hafi ekki upplýst um þessi mál.
„Það er ekki eins og hann hafði ekki haft tækifæri til að upplýsa þetta. Þetta var eitt af aðalmálunum í kosningabaráttunni 2013. Þetta er stóra málið þeirra, það er allt í kringum þessa kröfuhafa. Maður hefði haldið að það væri eðlilegt að þetta kæmi fram."
Helgi segir mikilvægt að forsætisráðherra bregðist við sem fyrst. „Það sem ég á erfitt með að verði tilfellið er að þetta mál einhvern veginn fái bara að vera þarna og að það komi engin vantrauststillaga fram og forsætisráðherra sitji bara áfram á vantrauststillögu. Mér finnst þær aðstæður fáránlegar, ég trúi því ekki að það verði endirinn. En maður þarf líka að gefa honum smá færi á því að hugsa sinn gang á þessum tveimur vikum. Ef menn fara núna til tilbreytingar að bregðast rétt við svona hlutum þá náttúrulega á ekkert að þurfa einhverja vantrauststillögu frá minnihlutanum," segir Helgi Hrafn, en ekki náðist í Sigmund Davíð við vinnslu fréttarinnar.
Tengdar fréttir

Fjármálaráðherra segir best að forsætisráðherra svari sjálfur fyrir sín mál
Fjármálaráðherra vissi ekki að eiginkona forsætisráðherra væri meðal kröfuhafa í föllnu bankanna og sér ekki að lög og reglur hafi verið brotin.

Þingmaður Framsóknarflokksins: Vonar að Sigmundur svari ekki Kára
Bréf Kára Stefánssonar er einhver mesta rökleysa sem Haraldur Einarsson hefur séð.

Fjúkandi reiðir Framsóknarmenn og annað fólk
Stuðningsmenn Sigmundar Davíðs og ríkisstjórnarinnar telja ómaklega vegið að eiginkonu forsætisráðherra.

Sigmundur Davíð segir að kona sín sé ekki hrægammur
Sigmundur Davíð Gunnlaugsson, forsætisráðherra, birti rétt í þessu færslu á vefsíðu sinni þar sem hann gerir að umtalsefni fréttaflutning af fjármálum Önnu Sigurlaugar Pálsdóttur, eiginkonu hans, en mikið hefur verið fjallað um aflandsfélag hennar á Bresku Jómfrúareyjunum síðustu daga.

Kári skrifar opið bréf til Sigmundar Davíðs: Segir forsætisráðherra í stríði við samstarfsflokkinn
Kári Stefánsson fer um víðan völl í opnu bréfi til Sigmundar Davíðs Gunnlaugssonar forsætisráðherra.

Forsætisráðherrafrúin Anna Stella: Greinir frá erlendu félagi á Facebook
Eiginkona Sigmundar Davíðs opnar sig um fjármálin til að bregðast við umræðu.