Evrópskir hlutabréfamarkaðir hafa lækkað verulega í morgun og beina fjárfestar nú sjónum sínum að gulli og ríkisskuldabréfum, eftir sprengjuárásir í Brussel í morgun.
Hlutabréf í ferðaþjónustu, meðal annars flugfélög og hótel, hafa lækkað mest, segir í frétt Reuters um málið. Undanfarin mánuð hafa hlutabréf verið að taka við sér á ný eftir erfiða byrjun árs en nú eru þau að lækka verulega á ný.
Hlutabréf í Air France hafa lækkað um 4,73 prósent það sem af er degi og hlutabréf í easyJet hafa lækkað um 1,6 prósent. Hlutabréf í breska ferðaþjónustufyrirtækinu Thomas Cook lækkuðu um allt að 6,8 prósent í morgun en hafa nú tekið við sér á ný.
Á þriðja tug hefur látið lífið í morgun, eftir að sprengjur féllu á flugvellinum.
Leicester City
Manchester Utd
