Conor lagður af stað til Bandaríkjanna

Írinn Conor McGregor yfirgaf Dublin í morgun og er farinn að sækja annað belti til Las Vegas.

Þann 5. mars næstkomandi mun Conor mæta léttvigtarmeistaranum Rafael dos Anjos í titilbardaga. Hafi Conor betur þá verður hann heimsmeistari í tveim þyngdarflokkum.

Írinn hefur æft vel síðustu vikur í Dublin og meðal annars með Gunnari Nelson sem skellti sér yfir til Írlands til þess að hjálpa vini sínum.

Þetta verður risakvöld í UFC því í næststærsta bardaga kvöldsins mun Holly Holm verja sinn titil gegn Miesha Tate. Það verður fyrsti bardagi Holm síðan hún rotaði Rondu Rousey.

Back to America for the gold and the silk. Draped in the green and the orange.

A photo posted by Conor McGregor Official (@thenotoriousmma) on Feb 21, 2016 at 9:17pm PST