Infantino kjörinn forseti FIFA

Gianni Infantino var í dag kjörinn nýr forseti Alþjóðaknattspyrnusambandsins, FIFA. Hann hlaut meirihluta atkvæða í annarri umferð kosningannar.

Infantino hlaut 115 atkvæði og hækkaði sig um 27 atkvæði frá fyrstu umferðinni. 207 sambandsaðilar voru með atkvæðisrétt og dugði að fá hreinan meirihluta í annarri umferð til að vinna kosningarnar.

Sjeik Salman, forseti knattspyrnusambands Asíu, hlaut 88 atkvæði í annarri umferð sem er þremur atkvæðum meira en hann fékk í fyrstu umferðinni.

Sjá einnig:138 verður líklega töfratalan hjá nýjum forseta FIFA

KSÍ studdi Gianni Infantino eins og kom fram í Fréttablaðinu í lok janúar þannig Geir Þorsteinsson hakaði við nafn Infantino í dag.  Prince Ali fékk 27 atkvæði og Jerome Champagne sjö atkvæði í fyrstu umferðinni. Prince Ali fékk fjögur í seinni umferðinni en Champagne ekkert.

Til að vinna kosninguna í fyrstu umferð þurfti að fá 138 atkvæði eða tvo þriðju hluta atkvæða.

Allar 207 þjóðirnar sem voru með kosningarétt nýttu atkvæði sitt og skiluðu inn gildum seðli. Kúveit og Indónesía fá ekki að kjósa því þau eru í banni fyrir að brjóta regluverk FIFA í heimalöndm sínum.

að vinna kosninguna í fyrstu umferð þurfti að fá 138 atkvæði eða tvo þriðju hluta atkvæða.

Tweets by @VisirSport