Heimsmeistari keppir á karatemóti RIG á morgun

Hin franska Alizee Agier, ríkjandi heimsmeistari í kumite kvenna, er meðal þátttakenda á karatemóti Reykjavíkurleikanna sem fer fram í Frjálsíþróttahöllinni Laugardal á morgun.

Alizee Agier er ein af sex erlendum keppendum á mótinu en hún varð heimsmeistari í mínus 68 kílóa flokki kvenna á síðasta heimsmeistaramótinu.

Alizee hefur verið mjög sigursæl síðust ár og unnið til fjölda verðlauna, bæði á Heimsmeistara-, Evrópu- og heimsbikarmótum.

Í kvennaflokki keppir einnig Gitte Brunstad frá Noregi sem er Norðurlandameistari í kumite kvenna -68kg og silfurverðlaunahafi frá Heimsmeistaramótinu 2014.

Við fáum aftur að sjá hér Lonni Boulesnane frá Frakklandi en hann hefur unnið RIG mótið síðustu 2 ár, auk þess sem hann hefur unnið til gull og bronsverðlauna á heimsbikarmótum í vetur. Auk þessara þriggja koma góðir keppendur í kumite og kata, Brian Ramrup frá Bandaríkjunum, Bryan van Waesberghe frá Belgíu og Matthew Scott Beverly frá Ítalíu.  

„Ljóst er að keppnin verður sterk í ár og því mikil eftirvænting hjá íslenskum keppendum að mæta svo sterku erlendu karatefólki," segir í fréttatilkynningu frá Karatesambandi Íslands

Á RIG karatemótinu verður keppt bæði í kata og kumite. Mótið hefst kl.09:00 en úrslit eru kl.14:00 í fullorðinsflokkum.  Mótið verður haldið í Frjálsíþróttahöllinni Laugardal.

Erlendir keppendur í karatemóti RIG 2016:

1) Alizee Agier, Frakklandi

-Heimsmeistari í kumite -68kg, október 2014

-Evrópumeistari í kumite 21árs, +60kg, febrúar 2014

-Franskur meistari í kumite -68kg, 2015

-Brons á Evrópumeistaramóti U21árs, 2015, í kumite -68kg

-Silfur á Heimsmeistaramóti U21árs, 2013, í kumite+60kg

-Gull á heimsbikarmóti október 2015, Salzburg, Austurríki, kumite -68kg

-Gull á heimsbikarmóti janúar 2015, París, Frakkland, kumite -68kg

-Brons á heimsbikarmóti janúar 2016, París, Frakkland, kumite -68kg

-Fjórða sæti á heimslista WKF í flokki kumite -68kg.

2) Gitte Brunstad, Noregi

-Silfur í kumite -68kg, Heimsmeistaramóti 2014

-Silfur í kumite -68kg, heimsbikarmóti október 2015, Salzburg, Austurríki

-Norðurlandameistari í kumite -68kg, apríl 2015

-Níunda sæti á heimsbikarmóti janúar 2016, París, Frakkland, kumite -68kg

-Fimmta sæti á heimslista WKF í flokki kumite -68kg.

3) Lonni Boulesnane, Frakklandi

-Gull á heimsbikarmóti september 2015, Coburg, Þýskaland, kumite +84kg

-Brons á heimsbikarmóti janúar 2016, París, Frakkland, kumite +84kg

-Gull í kumite karla, opin flokkur, RIG 2015

-Gull í kumite karla +75kg, RIG 2014

-Ellefta sæti á heimslista WKF í flokki kumite +84kg.

4) Brian Ramrup, Bandaríkjunum

-Brons á Heimsmeistaramóti 2013, í kumite -67kg

-Silfur á Pan Amerika meistaramótinu, 2013, í kumite -67kg

-Silfur og brons á Bandaríska meistaramótinu

-Meðlimur í Bandaríska landsliðinu í kumite

-32 sæti á heimslista WKF í flokki kumite -67kg.

5) Bryan van Waesberghe, Belgíu

-Belgískur meistari í kumite +84kg

-Tvöfaldur sigurvegari á Euro Grand Prix í Tékklandi, í kumite +84kg

-Fimmta sæti á heimsbikarmóti september 2015, Coburg, Þýskaland, kumite +84kg

-Silfur í kumite karla, opin flokkur, RIG 2015

-22 sæti á heimslista WKF í flokki kumite +84kg.

6) Matthew Scott Beverly, Ítalíu

-Fjölda verðlauna á Ítalíu í kata karla

-Fjölda verðlauna á Miðjarðahafsleikunum í kata karla.