Gulli byggir leitar að verkefnum í nýja þáttaröð

Gunnlaugur Helgason, umsjónarmaður þáttarins Gulli Byggir, leitar nú að verkefnum sem taka ekki lengri tíma en þrjá til fjóra mánuði í framkvæmd og verður síðan fjallað um þau verkefni í þáttunum á Stöð 2 í haust.

„Stundum er það þannig að þú leggur af stað í verkefni sem þú telur að taki ekki meira en þrjár vikur en hún endar í þremur mánuðum.  Í síðustu þáttaröð voru við með fjölbreytt verkefnaval og það er í raun það sem okkur vantar, viðgerð á handriði, garðskáli, heilt einingahús, lagfæring á húsi í Stykkishólmi og margt fleira,“ segir Gulli.

Hann segir að nú ætli hann sér að fylgjast með verkefnunum og leggja til ákveðna aðstoð og fer sú aðstoð í raun bara eftir umfangi þeirra.

„Þeir sem hafa áhuga á að vera með gera senda tölvupóst með hugmyndum að verkefnum á gullibyggir@stod2.is fyrir 15. janúar.  Bara skrifa einfalda lýsingu á verkefninu og ekki er verra að fá sendar myndir líka.“