Coldplay vinsælust á Spotify á Íslandi Freyr Bjarnason skrifar 10. janúar 2015 09:00 Chris Martin og félagar í Coldplay voru vinsælastir á Spotify á síðasta ári. Vísir/Getty Enska hljómsveitin Coldplay trónir á toppi mest spilaðra listamanna á Spotify á Íslandi árið 2014. Lagið I See Fire með Ed Sheeran var það vinsælasta og platan In the Lonely Hour með Sam Smith var sú mest streymda hér á landi árið 2014. Aðeins einn íslenskur flytjandi komst á topp tíu-listann yfir mesta hlustun landsmanna á árinu, eða GusGus með plötuna Mexico. Aðspurður segir Njáll Þórðarson, tónlistarmaður og tengiliður Símans við Spotify, að fátt hafi komið sér á óvart varðandi listann, nema hvað að undarlegt sé að ekkert íslenskt lag hafi komist í efstu sætin. Íslensk jólatónlist var þó mjög mikið spiluð á tónlistarveitunni í desember. Helstu ástæðuna fyrir lítilli íslenskri spilun telur hann að vitneskja um íslenska tónlist á Spotify hafi ekki verið mikil en að hún sé samt að aukast, en um 60 þúsund íslensk lög eru á tónlistarveitunni. „Ég held að íslenskir listamenn séu dálítið á byrjunarreit og hafi ekki enn áttað sig nógu vel á tækifærunum. Eitt lag á Spotify getur náð eyrum milljóna manna um leið og það kemur inn. Erlendir tónlistarmenn eru að nýta sér þetta mjög vel. Ég held að íslenskir listamenn haldi að þeir standi framar í markaðssetningu en þeir raunverulega gera,“ segir hann en tekur fram að Svavar Knútur hafi nýtt sér miðilinn vel. „Hann fær mjög góðar tekjur á Spotify.“Ed Sheeran átti vinsælasta lagið á Spotify.Njáll bætir við: „Við sem fylgjumst grannt með tónlist á netinu sjáum alltof oft dæmi um vinsæla íslenska listamenn sem kjósa að frumflytja lögin á Facebook með vísun á lagið á YouTube. Þar eru lögin svo með tugi og jafnvel hundruð þúsunda hlustana sem ekkert fæst fyrir. Það mætti spyrja sig hvort staða hljómsveitanna væri ekki allt önnur kysu þær að vísa á lagið í gegnum Spotify í stað þess að festa sig í neti frírrar spilunar.“ Njáll segir að í fyrsta sinn fáist nú raunsönn mæling á hvaða tónlist landsmenn kjósi að hlusta á. „Það gleymist oft að áður en löglegar tónlistarveitur eins og Spotify komu til streymdu margir erlendri tónlist og hlóðu niður ólöglega en keyptu frekar þá innlendu. Eina íslenska hljómsveitin sem komst á topp tíu var GusGus.mynd/ari maggEngar opinberar tölur gáfu rétta mynd af heildarhlustuninni en með veitum eins og Spotify verður hlustunin bæði mælanleg og lögleg,“ segir hann en yfir 30 milljónir laga eru inni á veitunni. Samkvæmt tölum Spotify eru yfir fimmtíu milljónir virkra notenda að þjónustunni á heimsvísu, þar af 12,5 milljónir áskrifenda að Premium-þjónustunni. „Hér áður fyrr höfðu útvarpsstöðvar gríðarleg áhrif og vinsældalistarnir endurspegluðu spilun þeirra. Með netinu hefur opnast tónlistarheimur þar sem hver og einn getur sérsniðið dagskrána að áhugasviði sínu,“ segir hann. Sam Smith átti vinsælustu plötuna.Tugþúsundir Íslendinga eru á Spotify en nákvæma tölu vill tónlistarveitan ekki gefa upp. Eitthvað hefur verið um að fólk úr tónlistarbransanum hafi gagnrýnt veituna. Bæði telur það að hún gefi lítið í aðra hönd og að hún letji fólk frá því að kaupa plötur. „Ég hef tekið þátt í útgáfu á stórum plötum á Íslandi og hérna hefur plötusala aldrei verið tekjulind. Það eru mjög fáir sem hafa verið að gera alvöru pening úr þessu,“ segir Njáll, sem var í hljómsveitinni Land og synir. „Við gáfum út plötu sem fór í 7.800 eintökum og fengum nánast engar tekjur af því. Útgáfufyrirtækin eru að vernda sínar fjárfestingar og eðlilega segja þau að þetta sé eitthvað ljótt. En ef neytandinn finnur fjölina á netinu er ekki hægt að stoppa þá framþróun. Þá þarf að finna leiðir til að hagnast á þessu nýja formi.“Njáll ÞórðarsonTopp fimm á Spotify á Íslandi 2014Mest streymdu flytjendurnir:1. Coldplay2. Sam Smith3. Eminem4. Ed Sheeran5. BeyoncéMest streymdu lögin:1. I See Fire - Ed Sheeran2. Happy - Pharrell Williams3. Rather Be – feat. Jess Glynne - Clean Bandit4. Chandelier - Sia5. Take Me to Church - HozierMest streymdu plöturnar:1. In The Lonely Hour - Sam Smith2. Eurovision Song Contest 2014 Copenhagen - Eurovision Song Contest3. G I R L - Pharrell Williams4. The New Classic - Iggy Azalea5. 1000 Forms of Fear – Sia...8. Mexico - GusGus Eurovision Tónlist Mest lesið Covidsmitaður Al Pacino var nær dauða en lífi Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Ég var heppinn. En ekki hann“ Lífið „Það braut ísinn að við hefðum deitað sama gaurinn“ Lífið Með húsaflutninga á heilanum Lífið Dolly gefur 135 milljónir vegna Helenu Lífið Sigmundur og hvolpurinn gleðjast yfir fylgi Miðflokksins Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Enska hljómsveitin Coldplay trónir á toppi mest spilaðra listamanna á Spotify á Íslandi árið 2014. Lagið I See Fire með Ed Sheeran var það vinsælasta og platan In the Lonely Hour með Sam Smith var sú mest streymda hér á landi árið 2014. Aðeins einn íslenskur flytjandi komst á topp tíu-listann yfir mesta hlustun landsmanna á árinu, eða GusGus með plötuna Mexico. Aðspurður segir Njáll Þórðarson, tónlistarmaður og tengiliður Símans við Spotify, að fátt hafi komið sér á óvart varðandi listann, nema hvað að undarlegt sé að ekkert íslenskt lag hafi komist í efstu sætin. Íslensk jólatónlist var þó mjög mikið spiluð á tónlistarveitunni í desember. Helstu ástæðuna fyrir lítilli íslenskri spilun telur hann að vitneskja um íslenska tónlist á Spotify hafi ekki verið mikil en að hún sé samt að aukast, en um 60 þúsund íslensk lög eru á tónlistarveitunni. „Ég held að íslenskir listamenn séu dálítið á byrjunarreit og hafi ekki enn áttað sig nógu vel á tækifærunum. Eitt lag á Spotify getur náð eyrum milljóna manna um leið og það kemur inn. Erlendir tónlistarmenn eru að nýta sér þetta mjög vel. Ég held að íslenskir listamenn haldi að þeir standi framar í markaðssetningu en þeir raunverulega gera,“ segir hann en tekur fram að Svavar Knútur hafi nýtt sér miðilinn vel. „Hann fær mjög góðar tekjur á Spotify.“Ed Sheeran átti vinsælasta lagið á Spotify.Njáll bætir við: „Við sem fylgjumst grannt með tónlist á netinu sjáum alltof oft dæmi um vinsæla íslenska listamenn sem kjósa að frumflytja lögin á Facebook með vísun á lagið á YouTube. Þar eru lögin svo með tugi og jafnvel hundruð þúsunda hlustana sem ekkert fæst fyrir. Það mætti spyrja sig hvort staða hljómsveitanna væri ekki allt önnur kysu þær að vísa á lagið í gegnum Spotify í stað þess að festa sig í neti frírrar spilunar.“ Njáll segir að í fyrsta sinn fáist nú raunsönn mæling á hvaða tónlist landsmenn kjósi að hlusta á. „Það gleymist oft að áður en löglegar tónlistarveitur eins og Spotify komu til streymdu margir erlendri tónlist og hlóðu niður ólöglega en keyptu frekar þá innlendu. Eina íslenska hljómsveitin sem komst á topp tíu var GusGus.mynd/ari maggEngar opinberar tölur gáfu rétta mynd af heildarhlustuninni en með veitum eins og Spotify verður hlustunin bæði mælanleg og lögleg,“ segir hann en yfir 30 milljónir laga eru inni á veitunni. Samkvæmt tölum Spotify eru yfir fimmtíu milljónir virkra notenda að þjónustunni á heimsvísu, þar af 12,5 milljónir áskrifenda að Premium-þjónustunni. „Hér áður fyrr höfðu útvarpsstöðvar gríðarleg áhrif og vinsældalistarnir endurspegluðu spilun þeirra. Með netinu hefur opnast tónlistarheimur þar sem hver og einn getur sérsniðið dagskrána að áhugasviði sínu,“ segir hann. Sam Smith átti vinsælustu plötuna.Tugþúsundir Íslendinga eru á Spotify en nákvæma tölu vill tónlistarveitan ekki gefa upp. Eitthvað hefur verið um að fólk úr tónlistarbransanum hafi gagnrýnt veituna. Bæði telur það að hún gefi lítið í aðra hönd og að hún letji fólk frá því að kaupa plötur. „Ég hef tekið þátt í útgáfu á stórum plötum á Íslandi og hérna hefur plötusala aldrei verið tekjulind. Það eru mjög fáir sem hafa verið að gera alvöru pening úr þessu,“ segir Njáll, sem var í hljómsveitinni Land og synir. „Við gáfum út plötu sem fór í 7.800 eintökum og fengum nánast engar tekjur af því. Útgáfufyrirtækin eru að vernda sínar fjárfestingar og eðlilega segja þau að þetta sé eitthvað ljótt. En ef neytandinn finnur fjölina á netinu er ekki hægt að stoppa þá framþróun. Þá þarf að finna leiðir til að hagnast á þessu nýja formi.“Njáll ÞórðarsonTopp fimm á Spotify á Íslandi 2014Mest streymdu flytjendurnir:1. Coldplay2. Sam Smith3. Eminem4. Ed Sheeran5. BeyoncéMest streymdu lögin:1. I See Fire - Ed Sheeran2. Happy - Pharrell Williams3. Rather Be – feat. Jess Glynne - Clean Bandit4. Chandelier - Sia5. Take Me to Church - HozierMest streymdu plöturnar:1. In The Lonely Hour - Sam Smith2. Eurovision Song Contest 2014 Copenhagen - Eurovision Song Contest3. G I R L - Pharrell Williams4. The New Classic - Iggy Azalea5. 1000 Forms of Fear – Sia...8. Mexico - GusGus
Eurovision Tónlist Mest lesið Covidsmitaður Al Pacino var nær dauða en lífi Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Ég var heppinn. En ekki hann“ Lífið „Það braut ísinn að við hefðum deitað sama gaurinn“ Lífið Með húsaflutninga á heilanum Lífið Dolly gefur 135 milljónir vegna Helenu Lífið Sigmundur og hvolpurinn gleðjast yfir fylgi Miðflokksins Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Skrúfaði titrarann í sundur til að forða nágrönnum frá ónæði Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira