"Beckham sýndi sitt rétta eðli“ Eiríkur Stefán Ásgeirsson skrifar 21. desember 2015 15:30 Beckham hafði betur gegn Norman undir lok leiksins og jafnaði metin með þessu snertimarki. Vísir/Getty Ein af áhugaverðustu rimmum helgarinnar í NFL-deildinni var barátta útherjans Odell Beckham yngri og bakvarðarins Josh Norman. Báðir hafa verið meðal bestu leikmanna deildarinnar í sínum stöðum og var eftirvæntingin fyrir viðureign liða þeirra, New York Giants og Carolina Panthers, gríðarleg. Rimma þeirra olli ekki vonbrigðum. Beckham, sem hefur skilað mögnuðum tölum á sínum unga ferli í deildinni, greip ekki bolta í fyrri hálfleik og átti erfitt uppdráttar framan af síðari hálfleik sömuleiðis. Carolina, sem er eina liðið í deildinni sem hafði unnið alla leiki sína fyrir helgina, komst 28 stigum yfir og virtist ætla að rúlla einfaldlega yfir risana frá New York. Beckham réði þar að auki engan veginn við skapið sitt og gekk meira að segja svo langt að bæði slá til Norman og skalla hann með hjálminum. „Maðurinn hljóp fimmtán jarda til þess eins að að ráðast á höfuðið mitt. Svona hagaði hann sér allan leikinn,“ sagði Norman sem var þó ekki saklaus sjálfur og svaraði nokkrum sinnum fyrir sig. „Ég vona að ég hafi náð að draga grímuna frá og að rétta eðli hans hafi komið í ljós,“ bætti bakvörðurinn við.Þeir Norman og Beckham eru engir mátar.Vísir/GettyÓtrúleg endurkoma Giants náði þrátt fyrir allt að koma til baka og jafna leikinn þegar tæpar tvær mínútur voru eftir. Og auðvitað vaknaði Beckham til lífsins þegar mest á reyndi og skoraði snertimarkið sem jafnaði leikinn. Cam Newton, leikstjórnandi Panthers, sýndi þá hvers hann er megnugur og kom liði sínu nægilega langt til að gefa sparkaranum Graham Gano færi á að tryggja liðinu sigur með vallarmarki, sem og hann gerði. Niðurstaðan því 38-35 sigur Panthers. Eftir leik neitaði Beckham, sem missti galopna sendingu fyrir löngu snertimarki í fyrri hálfleik, að mestu að svara spurningum blaðamanna um rimmu sína við Norman. Það er þó ljóst að hann var heppinn að hafa ekki verið rekinn af velli en þjálfari Giants, Tom Coughlin, sagðist hafa íhugað að taka Beckham út af vegna hegðunar hans. Það gerði hann þó ekki. Carolina er aðeins fjórða liðið í sögu NFL-deildarinnar til að vinna fjórtán fyrstu leiki sína á tímabilinu. Öll hin þrjú liðin komust í úrslitaleikinn, Super Bowl, en aðeins eitt þeirra - Miami Dolphins árið 1972 - varð meistari. Liðið er öruggt með annað efstu tveggja sætanna í Þjóðardeildinni (NFC) og þar er ljóst að liðið situr hjá í fyrstu umferð úrslitakeppninnar í janúar. Arizona Cardinals (12-2) er á góðri leið með að vera hitt liðið sem fær frí í fyrstu umferðinni.Russell Wilson hefur verið magnaður í síðustu leikjum Seattle.Vísir/GettyFer að komast mynd á úrslitakeppnina Sigurvegarar allra riðlanna í báðum deildum, alls átta, komast í úrslitakeppnina ásamt tveimur bestu liðunum úr hvorri deild, alls fjórum (Wild Card-lið). Green Bay Packers og Minnesota Vikings unnu leiki sína og eru enn að berjast um sigurinn í norðurriðli Þjóðardeildarinnar. Green Bay hefur unnið tíu leiki og er öruggt áfram í úrslitakeppnina en Minnesota, sem hefur unnið níu, stendur vel að vígi í baráttunni um Wild Card-sæti. Hið sama á við um Seattle sem er eitt heitasta lið deildarinnar um þessar mundir og hefur unnið alls níu leiki, eftir að hafa rólega af stað. Liðið á þó ekki lengur möguleika á efsta sætinu í sínum riðli, þar sem Arizona tryggði sér í gær sigur í vesturriðlinum. Mesta spennan er í austurriðlinum en þar er Washington, sem vann Buffalo á heimavelli í gær, efst með sjö sigra. Giants og Philadelphia koma þó næst með sex sigra og eiga enn möguleika á að ná efsta sætinu og þar með sæti í úrslitakeppninni.New England heldur áfram að vinna leiki með leikstjórnandanum Tom Brady þrátt fyrir tíð meiðsli lykilmanna í sókn.Vísir/GettyÍ Ameríkudeildinni (AFC) standa sem fyrr New England (12-2), Cincinnati (11-3) og Denver (10-4) vel að vígi sem efstu lið sinna riðla en tvö fyrstnefndu eru örugg áfram í úrslitakeppnina. Mikil spenna er um Wild Card-sætin tvö í deildinni en þrjú lið, New York Jets, Pittsburgh og Kansas City, hafa öll unnið níu leiki og berjast um þau. Houston er svo efst í suðurriðli AFC-deildarinnar með sjö sigra en Indianapolis (6-8) og Jacksonville (5-9) eru þó enn á lífi þar. Tvær vikur eru eftir af deildakeppninni að henni lokinni tekur úrslitakeppnin við.Staðan í deildinniÚrslit helgarinnar: Dallas - New York Jets 16-19 Baltimore - Kansas City 14-34 Indianapolis - Houston 10-16 Jacksonville - Atlanta 17-23 Minnesota - Chicago 38-17 New England - Tennessee 33-16 New York Giants - Carolina 35-38 Washington - Buffalo 35-25 Oakland - Green Bay 20-30 Seattle - Cleveland 30-13 Pittsburgh - Denver 34-27 San Diego - Miami 30-14 San Francisco - Cincinnati 14-24 Phildelphia - Arizona 17-40 NFL Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Sjá meira
Ein af áhugaverðustu rimmum helgarinnar í NFL-deildinni var barátta útherjans Odell Beckham yngri og bakvarðarins Josh Norman. Báðir hafa verið meðal bestu leikmanna deildarinnar í sínum stöðum og var eftirvæntingin fyrir viðureign liða þeirra, New York Giants og Carolina Panthers, gríðarleg. Rimma þeirra olli ekki vonbrigðum. Beckham, sem hefur skilað mögnuðum tölum á sínum unga ferli í deildinni, greip ekki bolta í fyrri hálfleik og átti erfitt uppdráttar framan af síðari hálfleik sömuleiðis. Carolina, sem er eina liðið í deildinni sem hafði unnið alla leiki sína fyrir helgina, komst 28 stigum yfir og virtist ætla að rúlla einfaldlega yfir risana frá New York. Beckham réði þar að auki engan veginn við skapið sitt og gekk meira að segja svo langt að bæði slá til Norman og skalla hann með hjálminum. „Maðurinn hljóp fimmtán jarda til þess eins að að ráðast á höfuðið mitt. Svona hagaði hann sér allan leikinn,“ sagði Norman sem var þó ekki saklaus sjálfur og svaraði nokkrum sinnum fyrir sig. „Ég vona að ég hafi náð að draga grímuna frá og að rétta eðli hans hafi komið í ljós,“ bætti bakvörðurinn við.Þeir Norman og Beckham eru engir mátar.Vísir/GettyÓtrúleg endurkoma Giants náði þrátt fyrir allt að koma til baka og jafna leikinn þegar tæpar tvær mínútur voru eftir. Og auðvitað vaknaði Beckham til lífsins þegar mest á reyndi og skoraði snertimarkið sem jafnaði leikinn. Cam Newton, leikstjórnandi Panthers, sýndi þá hvers hann er megnugur og kom liði sínu nægilega langt til að gefa sparkaranum Graham Gano færi á að tryggja liðinu sigur með vallarmarki, sem og hann gerði. Niðurstaðan því 38-35 sigur Panthers. Eftir leik neitaði Beckham, sem missti galopna sendingu fyrir löngu snertimarki í fyrri hálfleik, að mestu að svara spurningum blaðamanna um rimmu sína við Norman. Það er þó ljóst að hann var heppinn að hafa ekki verið rekinn af velli en þjálfari Giants, Tom Coughlin, sagðist hafa íhugað að taka Beckham út af vegna hegðunar hans. Það gerði hann þó ekki. Carolina er aðeins fjórða liðið í sögu NFL-deildarinnar til að vinna fjórtán fyrstu leiki sína á tímabilinu. Öll hin þrjú liðin komust í úrslitaleikinn, Super Bowl, en aðeins eitt þeirra - Miami Dolphins árið 1972 - varð meistari. Liðið er öruggt með annað efstu tveggja sætanna í Þjóðardeildinni (NFC) og þar er ljóst að liðið situr hjá í fyrstu umferð úrslitakeppninnar í janúar. Arizona Cardinals (12-2) er á góðri leið með að vera hitt liðið sem fær frí í fyrstu umferðinni.Russell Wilson hefur verið magnaður í síðustu leikjum Seattle.Vísir/GettyFer að komast mynd á úrslitakeppnina Sigurvegarar allra riðlanna í báðum deildum, alls átta, komast í úrslitakeppnina ásamt tveimur bestu liðunum úr hvorri deild, alls fjórum (Wild Card-lið). Green Bay Packers og Minnesota Vikings unnu leiki sína og eru enn að berjast um sigurinn í norðurriðli Þjóðardeildarinnar. Green Bay hefur unnið tíu leiki og er öruggt áfram í úrslitakeppnina en Minnesota, sem hefur unnið níu, stendur vel að vígi í baráttunni um Wild Card-sæti. Hið sama á við um Seattle sem er eitt heitasta lið deildarinnar um þessar mundir og hefur unnið alls níu leiki, eftir að hafa rólega af stað. Liðið á þó ekki lengur möguleika á efsta sætinu í sínum riðli, þar sem Arizona tryggði sér í gær sigur í vesturriðlinum. Mesta spennan er í austurriðlinum en þar er Washington, sem vann Buffalo á heimavelli í gær, efst með sjö sigra. Giants og Philadelphia koma þó næst með sex sigra og eiga enn möguleika á að ná efsta sætinu og þar með sæti í úrslitakeppninni.New England heldur áfram að vinna leiki með leikstjórnandanum Tom Brady þrátt fyrir tíð meiðsli lykilmanna í sókn.Vísir/GettyÍ Ameríkudeildinni (AFC) standa sem fyrr New England (12-2), Cincinnati (11-3) og Denver (10-4) vel að vígi sem efstu lið sinna riðla en tvö fyrstnefndu eru örugg áfram í úrslitakeppnina. Mikil spenna er um Wild Card-sætin tvö í deildinni en þrjú lið, New York Jets, Pittsburgh og Kansas City, hafa öll unnið níu leiki og berjast um þau. Houston er svo efst í suðurriðli AFC-deildarinnar með sjö sigra en Indianapolis (6-8) og Jacksonville (5-9) eru þó enn á lífi þar. Tvær vikur eru eftir af deildakeppninni að henni lokinni tekur úrslitakeppnin við.Staðan í deildinniÚrslit helgarinnar: Dallas - New York Jets 16-19 Baltimore - Kansas City 14-34 Indianapolis - Houston 10-16 Jacksonville - Atlanta 17-23 Minnesota - Chicago 38-17 New England - Tennessee 33-16 New York Giants - Carolina 35-38 Washington - Buffalo 35-25 Oakland - Green Bay 20-30 Seattle - Cleveland 30-13 Pittsburgh - Denver 34-27 San Diego - Miami 30-14 San Francisco - Cincinnati 14-24 Phildelphia - Arizona 17-40
NFL Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Sjá meira