Ísland fær 34 þúsund miða á EM | Miðasala hefst í dag

Miðasala er nú hafin á EM 2016 í Frakklandi en dregið var í riðla nú um helgina.

Sjá einnig: Heimir: Hefðum getað verið óheppnari

Ísland er í riðli með Portúgal, Austurríki og Ungverjalandi og mætir fyrstnefndu þjóðinni í Saint-Etienne þann 14. júní.

Sjá einnig: Þetta þarftu að vita um miðasöluna á EM 2016 í fótbolta

Samkvæmt upplýsingum frá KSÍ liggur nú fyrir hversu marga miða Íslendingum verður úthlutað á leikina þrjá en miðasalan fer öll fram í gegnum heimasíðu Knattspyrnusambands Evrópu, UEFA.

Íslendingar eiga rétt á samtals 29 þúsund miðum á leikina þrjá. Fæsta gegn Portúgal enda fer leikurinn fram á minnsta vellinum af þeim sem Ísland spilar í riðlakeppninni.

Sjá einnig: Draumadráttur þýðir miklar væntingar hjá íslensku þjóðinni

Allar upplýsingar um miðasöluna má finna hér en alls verða 800 þúsund miðar til sölu í þessari lotu, sem lýkur 18. janúar.

Leikir Íslands:

Þriðjudagur 14. júní kl. 19.00: Portúgal - Ísland

Leikvöllur: Stade Geoffroy-Guichard, Saint-Etienne

Tekur: 42.000 áhorfendur

Ísland fær: 7 þúsund miða

Laugardagur 18. júní kl. 16.00: Ísland - Ungverjaland

Leikvöllur: Stade Vélodrome, Marseille

Tekur: 67.394 áhorfendur

Ísland fær: 12 þúsund miða

Miðvikudagur 22. júní kl. 16.00: Ísland - Austurríki

Leikvöllur: Stade de France, Saint-Denis

Tekur: 81.338 áhorfendur

Ísland fær: 15 þúsund miða