Björgvin hefur klikkað á fimmtán vítaskotum í röð

Björgvin Hafþór Ríkharðsson og félagar hans í ÍR-liðinu sóttu tvö stig í Stykkishólm í gær og hafa nú unnið tvo leiki í röð í Domino´s deild karla í körfubolta.

ÍR-liðið er byrjað að vinna sína leiki en Björgvin er enn í tómu tjóni á vítalínunni.

Björgvin klikkaði á báðum vítaskotum sínum á móti Snæfelli. Það þýðir að hann hefur samtals að nýtt 2 af 26 vítum sínum á tímabilinu.

Vítanýting Björgvins fór með þessu niður fyrir átta prósentin og er nú aðeins 7,7 prósent.

Björgvin er með 52 prósent tveggja stiga skotnýtingu og 29 prósent þriggja stiga skotnýtingu.

Björgvin nýtt síðast víti í leik á móti Stjörnunni 29. október en hann hefur klikkað á síðustu fimmtán vítaskotum sínum.

ÍR-liðið hefur nýtt 65,2 prósent víta sinna í deildinni í vetur og aðeins KR-ingar eru með lélegri vítanýtingu.

Félagar Björgvins í ÍR-liðinu hafa nýtt 76,7 prósent víta sinna (99 af 129) en sú vítanýtingu myndi skila liðinu upp í annað sætið. Vandræði Björgvin á vítalínunni þýða að ÍR er í 11. sæti yfir bestu vítanýtingu deildarinnar.



Víti Björgvins í Domino´s deildinni í vetur.

Á móti Tindastól

Klikkaði

Hitti

Á móti FSu

Klikkaði

Klikkaði

Á móti Grindavík

Klikkaði

Klikkaði

Klikkaði

Á móti Stjörnunni

Klikkaði

Klikkaði

Klikkaði

Hitti

Klikkaði

Klikkaði

Klikkaði

Klikkaði

Klikkaði

Klikkaði

Á móti Haukum

Klikkaði

Klikkaði

Klikkaði

Klikkaði

Klikkaði

Klikkaði

Á móti Hetti

Klikkaði

Á móti Snæfelli

Klikkaði

Klikkaði