Óveðrið: Aukafréttatími á Stöð 2 kl.12 á hádegi

Eins og fram hefur komið skellur fárviðri á sunnanvert landið seinnipartinn í dag og má búast við ofsaveðri eða fárviðri um land allt eftir því sem líður á kvöldið.

Spá Veðurstofunnar hljóðar upp á mun verra veður en skall á í síðustu viku og er varað við því að viðlíka veðurhvellir gangi aðeins yfir á um tíu til tuttugu ára fresti.

Af þessum sökum verður aukafréttatími með nýjustu upplýsingum á Stöð 2 klukkan 12 á hádegi í dag. Fréttatíminn verður í opinni dagskrá, eins og allir fréttatímar Stöðvar 2, og verður hann jafnframt sýndur í beinni útsendingu hér á Vísi.

Uppfært klukkan 12:15

Fréttatíminn er aðgengilegur í spilaranum hér fyrir neðan.