Ragnar Helgi hlaut Bókmenntaverðlaun Tómasar

Ragnar Helgi Ólafsson hlaut í dag Bókmenntaverðlaun Tómasar Guðmundssonar árið 2015 fyrir ljóðahandritið Til hughreystingar þeim sem finna sig ekki í samtíma sínum.

Dagur B. Eggertsson borgarstjóri veitti verðlaunin í Höfða í dag og fyrstu eintök bókarinnar komu um leið úr prentun í útgáfu Bjarts.

Ragnar Helgi hefur unnið að myndlist síðustu ár auk þess að spila tónlist með ýmsum hljómsveitum. Til hughreystingar þeim sem finna sig ekki í samtíma sínum er þó þriðja bók hans, áður hefur hann sent frá sér skáldsöguna Bréf frá Bútan og smásagnasafnið Fundur útvarpsráðs þann 14. mars 1984 og áhrif hans á kynverund drengsins og fleiri sögur.

Í umsögn dómnefndar segir að handritið einkennist meðal annars af myndvísi og fjölbreytileika og að höfundur hefði eftirtektarverð tök á að klæða myndir í orð.