Spá versta ári á Wall Street síðan 2008 Sæunn Gísladóttir skrifar 7. október 2015 07:00 Í lok september varð veruleg lækkun á hlutabréfaverði í Bandaríkjunum. Vísir/Getty Sérfræðingar í Bandaríkjunum spá versta ári á Wall Street síðan árið 2008. Standard & Poor's 500 vísitalan (S&P-500), með 500 stærstu fyrirtækjunum, hefur lækkað um 6 prósent það sem af er ári. Vísitalan er oft talin einn besti mælikvarði á gengi hlutabréfa í Bandaríkjunum. Niðursveiflan á hlutabréfamarkaði í Kína, óljós stefna Seðlabanka Bandaríkjanna, lækkun á olíuverði og lítil hækkun launa eru meðal þess sem talið er að hafi valdið þessari þróun. Í byrjun árs nam S&P-500 vísitalan 2.058,2 stigum. Hún var lægst á árinu þann 25. ágúst, um það leyti sem hlutabréfamarkaðir í Kína voru að hrynja. Þá mældist hún 1.867,61 stig og hafði lækkað um 9,1% frá ársbyrjun. Sérfræðingar telja að vísitalan muni hækka á ný og muni hækka um 3% fyrir lokun markaðar föstudaginn fyrir árslok 2015. Á föstudaginn nam hún 1.951,36 stigum og mun þá nema 2.010 stigum í árslok. Jafnvel ef sú spá rætist mun vísitalan samt mælast 2% lægri í lok árs en hún var í byrjun árs. Það myndi þýða að 2015 væri versta árið fyrir S&P-500 síðan árið 2008 þegar markaðurinn lækkaði um 38% í miðri efnahagskreppu. Þriðji fjórðungur þessa árs var versti ársfjórðungur á Wall Street frá árinu 2011. Er það rakið beint til efnahagsástandsins í Kína. CNNMoney greinir frá því að sérfræðingar hafi mestar áhyggjur af áframhaldandi áhrifum Kína á hlutabréfamarkaðinn. Það er enn þá hræðsla meðal fjárfesta um að vandræðin í Kína muni draga úr efnahagsvexti og jafnvel valda efnahagskreppu. Janet Yellen, seðlabankastjóri Bandaríkjanna, ákvað að halda stýrivöxtum bankans óbreyttum í síðasta mánuði, eða á bilinu núll til 0,25 prósent. Í yfirlýsingu frá bankanum sagði að atburðir á fjármálamörkuðum vikurnar á undan myndu líklega keyra verðbólgu enn neðar, en verðbólga í landinu er enn undir tveggja prósenta verðbólgumarkmiði. Talið er að Yellen muni hins vegar hækka vexti fyrir áramót. Því virðist stefna seðlabankans heldur óljós. Annað sem sérfræðingar nefndu að hefði haft áhrif á þróun hlutabréfaverðs voru of fá ný störf og lítill vöxtur í framleiðslu. Bandaríska hagkerfinu hefur ekki tekist að skapa nógu mörg störf, einungis 142 þúsund ný störf urðu til í september sem var undir væntingum. Stór fyrirtæki, eins og Hewlett Packard, Caterpillar og Microsoft hafa einnig tilkynnt um niðurskurð starfa hjá sér sem nema tugum þúsunda á næstu árum. Vöxtur í framleiðslu mældist sá lægsti í tvö ár núna í september. Allir þessir þættir hafa slæm áhrif á hagnað fyrirtækja, sem hefur það í för með sér að hlutabréfaverð lækkar. Mest lesið Stöðva þurfi rányrkju bílastæðaeigenda Neytendur „Alls konar fólk heyrt í mér um alls konar hluti“ Viðskipti innlent Fegurð er glæpur kom út í mínus Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Nýtt trend: Engir yfirmenn á vinnustaðnum Atvinnulíf Þrjár verslanir í Múlunum sektaðar eftir rassíu Neytendastofu Neytendur Tupperware lýsir yfir gjaldþroti Viðskipti erlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Sérfræðingar í Bandaríkjunum spá versta ári á Wall Street síðan árið 2008. Standard & Poor's 500 vísitalan (S&P-500), með 500 stærstu fyrirtækjunum, hefur lækkað um 6 prósent það sem af er ári. Vísitalan er oft talin einn besti mælikvarði á gengi hlutabréfa í Bandaríkjunum. Niðursveiflan á hlutabréfamarkaði í Kína, óljós stefna Seðlabanka Bandaríkjanna, lækkun á olíuverði og lítil hækkun launa eru meðal þess sem talið er að hafi valdið þessari þróun. Í byrjun árs nam S&P-500 vísitalan 2.058,2 stigum. Hún var lægst á árinu þann 25. ágúst, um það leyti sem hlutabréfamarkaðir í Kína voru að hrynja. Þá mældist hún 1.867,61 stig og hafði lækkað um 9,1% frá ársbyrjun. Sérfræðingar telja að vísitalan muni hækka á ný og muni hækka um 3% fyrir lokun markaðar föstudaginn fyrir árslok 2015. Á föstudaginn nam hún 1.951,36 stigum og mun þá nema 2.010 stigum í árslok. Jafnvel ef sú spá rætist mun vísitalan samt mælast 2% lægri í lok árs en hún var í byrjun árs. Það myndi þýða að 2015 væri versta árið fyrir S&P-500 síðan árið 2008 þegar markaðurinn lækkaði um 38% í miðri efnahagskreppu. Þriðji fjórðungur þessa árs var versti ársfjórðungur á Wall Street frá árinu 2011. Er það rakið beint til efnahagsástandsins í Kína. CNNMoney greinir frá því að sérfræðingar hafi mestar áhyggjur af áframhaldandi áhrifum Kína á hlutabréfamarkaðinn. Það er enn þá hræðsla meðal fjárfesta um að vandræðin í Kína muni draga úr efnahagsvexti og jafnvel valda efnahagskreppu. Janet Yellen, seðlabankastjóri Bandaríkjanna, ákvað að halda stýrivöxtum bankans óbreyttum í síðasta mánuði, eða á bilinu núll til 0,25 prósent. Í yfirlýsingu frá bankanum sagði að atburðir á fjármálamörkuðum vikurnar á undan myndu líklega keyra verðbólgu enn neðar, en verðbólga í landinu er enn undir tveggja prósenta verðbólgumarkmiði. Talið er að Yellen muni hins vegar hækka vexti fyrir áramót. Því virðist stefna seðlabankans heldur óljós. Annað sem sérfræðingar nefndu að hefði haft áhrif á þróun hlutabréfaverðs voru of fá ný störf og lítill vöxtur í framleiðslu. Bandaríska hagkerfinu hefur ekki tekist að skapa nógu mörg störf, einungis 142 þúsund ný störf urðu til í september sem var undir væntingum. Stór fyrirtæki, eins og Hewlett Packard, Caterpillar og Microsoft hafa einnig tilkynnt um niðurskurð starfa hjá sér sem nema tugum þúsunda á næstu árum. Vöxtur í framleiðslu mældist sá lægsti í tvö ár núna í september. Allir þessir þættir hafa slæm áhrif á hagnað fyrirtækja, sem hefur það í för með sér að hlutabréfaverð lækkar.
Mest lesið Stöðva þurfi rányrkju bílastæðaeigenda Neytendur „Alls konar fólk heyrt í mér um alls konar hluti“ Viðskipti innlent Fegurð er glæpur kom út í mínus Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Nýtt trend: Engir yfirmenn á vinnustaðnum Atvinnulíf Þrjár verslanir í Múlunum sektaðar eftir rassíu Neytendastofu Neytendur Tupperware lýsir yfir gjaldþroti Viðskipti erlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira