Stjórnarmaður í VW vill að fólk verði dregið persónulega til ábyrgðar

Olaf Lies, stjórnarmaður hjá Volkswagen, segir að þeir starfsmenn fyrirtækisins sem hafi leyft að settur hafi verið upp svindlbúnaður og þeir sem hafi sett búnaðinn upp í bílum fyrirtækisins, eigi að era persónulega ábyrgð á málinu.

Lies segir í samtali við breska fréttaskýringaþáttinn Newsnight að stjórn Volkswagen hafi fyrst komist að svindlinu á síðasta stjórnarfundi fyrirtækisins.

Um 11 milljón bílar félagsins eru búnir þessum hugbúnaði, sem nemur hvenær bíllinn er útblástursmældur af opinberum aðilum, og kveikir þá á hreinsibúnaði sem dregur úr mengun. Þar af eru 5,8 milljónir bíla sem eru framleiddir undir merkjum dótturfyrirtækja Volkswagen, eins og Skoda og Audi.