Jafntefli hjá Fram og Haukum

Fram og Haukar gerðu jafntefli, 21-21, í Olís-deild kvenna í handknattleik í dag. Staðan var 12-9 fyrir Fram í hálfleik en gestirnir komu til baka í þeim síðari.

Leikurinn fór fram í Safamýrinni. Ragnheiður Júlíusdóttir gerði níu mörk fyrir Fram í leiknum og Hildur Þorgeirsdóttir fimm.

Ramune Pekarskyte var atkvæðamest hjá Haukum með níu mörk. HK vann Aftureldingu, 23-16, í Mosfellsbæ. Helka Ingunn Daðadóttir skoraði sex mörk fyrir Aftureldingu en Emma Havin Sardarsdóttir gerði sjö mörk fyrir HK.

Selfoss gjörsamlega rústaði Fjölni í Grafarvoginum, 41-26. Perla Ruth Albertsdóttir gerði 9 mörk fyrir Selfoss og Carmen Palamariu var með átta mörk.