Þúsundir kvikmynda hverfa af Netflix

Streymiþjónustan Netflix hefur sagt upp samningi við sjónvarpsstöðina Epix sem hefur séð þjónustunni fyrir sumum vinsælustu kvikmyndum síðari ára. Ástæða þess er að Netflix vill einbeita sér að sérframleiðslu af efni. Þetta eru slæmar fréttir fyrir marga Netflix aðdáendur sem margir hverjir hafa gaman af því að horfa á nýjustu stórmyndirnar hjá veitunni, en þúsundir kvikmynda munu hverfa úr þjónustunni. Epix hefur í staðinn gert samning við streymiþjónustuna Hulu. Samningur Netflix og Epix var metinn á 1 milljarð bandaríkjadala.

Netflix notendur hafa nú einungis 30 daga til að horfa á bíómyndirnar sem Epix á réttindi að, en meðal þeirra eru Hunger Games: Catching Fire, The Wolf of Wall Street, Star Trek Into Darkness, World War Z og Anchorman 2.