Drottningin á afmæli í dag

Uppáhald okkar allra, söngkonan, leikkonan, töffarinn, móðirin, feministinn, tískudrottningin og allt hitt, Beyoncé Giselle Knowles Carter, eða eins og við kjósum að kalla hana Queen B, fagnar 34 ára afmæli sínu í dag.

Fyrir utan það að vera einn mesti töffari í heimi, er Beyoncé með margar aðrar rósir í hnappagatinu. Hún hefur hlotið tuttugu Grammy verðlaun og er sú kona sem hefur verið tilnefnd hvað oftast eða alls fimmtíu og þrisvar sinnum.

Hún komst í heimsmetabók Guinness 2014 fyrir að eiga hraðast seldu plötu í heimi á i-Tunes. 

Beyoncé var fyrsta þeldökka konan til þess að sitja fyrir á forsíðu september blaðs bandaríska Vogue 2015, og þriðja þeldökka konan sem situr fyrir á forsíðunni á eftir Naomi Campbell og Halle Berry.

Hún setti allt á hliðina þegar hún tilkynnti að hún ætti von á barni á VMA's 2011, en í lok flutnings á laginu Love On Top henti hún míkrófóninum í gólfið, hneppti jakkanum frá og sýndi heiminum litla óléttu bumbu.

Í tilefni dagsins lítur Glamour yfir eftirminnilegasta klæðnað söngkonunnar, en þetta er aðeins brot af því besta.

Til hamingju með daginn Beyoncé! 

Fylgstu með Glamour á Instagram og á Facebook.