Bílar

Hyundai sýnir Gran Turismo bíl í Frankfürt

Finnur Thorlacius skrifar
Hyundai N 2025 Vision Gran Turismo.
Hyundai N 2025 Vision Gran Turismo.
Margir þeir bílar sem þeir sem leika sér í tölvubílaleiknum Gran Turismo eru ekki raunverulega til og hugarfóstur þeirra sem búa til leikinn. Einn þeirra er Hyundai N 2025 Vision Gran Turismo. Hyundai hefur hinsvegar smíðað slíkan bíl og ætlar að sýna hann á komandi bílasýningu í Frankfürt sem hefst eftir nokkra daga.

Hyundai rekur deild innan fyrirtækisins sem nefnd er því einfalda nafni N og var það sú deild sem annaðist smíði þessa bíls. Bíllinn lítur út eins og Le Mans þolakstursbíll með sæti aðeins fyrir ökumanninn og er það miðjusett.

Þessi bíll mun ekki fara í framleiðslu, en með honum vill Hyundai sýna hvers fyrirtækið er megnugt og í honum má sjá margt nýrrar tækni sem búast megi við í bílum Hyundai í framtíðinni. Hyundai mun einnig sýna nýja kynslóð i20 World Rally Championship bílsins sem mun keppa á næsta tímabili í rallmótaröðinni WRC.  

Mest lesið




×

Mest lesið