Glamour

Höfða mál gegn Olsen-systrunum

Ritstjórn skrifar
Mary-Kate og Ashley Olsen
Mary-Kate og Ashley Olsen
Nemar sem voru hjá Olsen systrunum Mary-Kate og Ashley, sem eiga og hanna fyrir tískumerkið The Row, hafa höfðað mál gegn þeim.  

Segja þeir systurnar hafa komið einstaklega illa fram við þá og látið þá vinna líkt og fastráðinn starfsmann, án þess að borga þeim laun. Venjulega eru nemar hjá tískufyrirtækjum látir sækja kaffi, ljósrita eða sinna álíka ábyrgðarlitlum verkefnum.

Einn nemanna, Shahista Lalani, segist hafa unnið að minnsta kosti fimmtíu klukkustundir á viku. Systurnar hafi verið mjög kröfuharðar og hún hafi unnið á við þrjá. 

Í ákærunni segir að nemarnir hafi verið ranglega skráðir og þannig hafi The Row fengið undanþágu frá því að þurfa að greiða þeim lágmarkslaun og vegna skráningarinnar fái þeir starfsnámið ekki metið. 

Glamour Tíska

Mest lesið




×

Mest lesið