Bestu tískuaugnablik Kings of Leon

Það hefur líklega ekki farið framhjá neinum að hljómsveitin Kings of Leon lentu á Reykjavíkurflugvelli í morgun, en þeir spila á tónleikum í Laugardalshöllinni í kvöld.

Hljómsveitin er skipuð bræðrunum Caleb, Nathan og Jared Followill og frænda þeirra Matthew Followill og er þetta í fyrsta sinn sem þeir spila á Íslandi. 

Strákarnir í Kings of Leon eru ekki bara einstaklega myndarlegir, heldur eru þeir með puttana á púlsinum þegar kemur að tísku og eru líklega ein best klædda hljómsveit heims í dag.

Leður, gallaefni og stuttermabolir í bland við skyrtur og fínni jakka einkenna stíl sveitarinnar. 

Til að fagna komu þeirra til landsins tók Glamour saman nokkur góð tískuaugnablik sveitarinnar.

Fylgstu með Glamour á Instagram og á Facebook.