Pastor Maldonado, ökumaður Lotus liðsins segir að neikvæð umfjöllun trufli sig ekki. Hann segir það hluta af starfinu að taka gagnrýni.
Maldonado er oft viðfangsefni brandara og spaugs á internetinu vegna þess hve oft hann er viðloðinn árekstra á kappakstursbrautum.
Maldonado fékk yfir sig nýja öldu neikvæðrar umfjölunar eftir ungverska kappaksturinn. Hann fékk þrjú víti fyrir ýmis brot, þar á meðal að aka á annan ökumann.
„Þetta angrar mig ekki. Ég hef alltaf verið gagnrýndur mikið af mörgum, en það er hluti af starfi mínu og lífi mínu. Þetta er erfitt starf og ég geri alltaf mitt besta fyrir samstarfsfólk mitt,“ sagði Maldonado.
„Hvort sem ég er að vinna í verksmiðjunni eða í akstursherminum, þá líkar verkfræðingunum þar við mig, það er fólkið sem þarf að líka við mig til að allt gangi upp,“ bætti Maldonado við.
Venesúelski ökumaðurinn viðurkennir að jákvæð umfjöllun sé skemmtilegri en neikvæð. Hann fullyrðir þó að neikævð umfjöllun angri hann ekki.
„Kannski veitir hún mér innblástur,“ sagði Maldonado að lokum.
Maldonado: Neikvæð umfjöllun angrar mig ekki
Tengdar fréttir
Sebastian Vettel vann í Ungverjalandi
Eftir dramatíska keppni kom Sebastian Vettel fyrstur í mark á Ferrari bílnum. Daniil Kvyat á Red Bull varð annar og Daniel Ricciardo varð þriðji einnig á Red Bull.
Bílskúrinn: Horfur á næsta tímabili
Mörg lið eru farin að huga að uppstillingum ökumanna fyrir næsta tímabil. Hver verður hvar, hver er samningsbundinn hverjum og ætlar einhver að hætta?
Vergne: Ég á góða möguleika á sæti hjá Haas
Jean-Eric Vergne telur sig eiga góða möguleika á að tryggja sér sæti hjá Haas liðinu í Formúlu 1 á næsta tímabili.
Lotus lofar bótum og betrun á næsta ári
Lotus liðið hefur átt erfitt tímabil og nú þegar á seinni hluta tímabilsins líður hefur E22 einungis fært liðinu 8 stig í keppni bílasmiða. Í fyrra náði liðið í 315 stig.
