Raikkonen áfram hjá Ferrari 2016

Kimi Raikkonen verður áfram ökumaður Ferrari liðsins á næsta tímabili. Ýmsar getgátur hafa verið á loft um framtíð hans og möguleika annarra ökumanna til að ná í sæti hjá liðinu.

Margir ökumenn hafa verið nefndir til sögunnar sem næstu liðsfélagar Sebastian Vettel hjá Ferrari. Aðallega voru nefndir Valtteri Bottas, Nico Hulkenberg og Daniel Ricciardo. Þrátt fyrir brösótt gegni Finnans fær hann annað ár hjá liðinu.

Þrátt fyrir að David Coulthard, fyrrum Formúlu 1 ökumaður og fyrrum keppnisstjóri Ferrari, Cesare Fiorio hafi hvatt Ferrari til að losa sig við Raikkonen verður hann áfram.

Maurizio Arrivabene hefur lýst yfir stuðningi við heimsmeistara ársins 2007. Raikkonen hefur ekki náð í helming þeirra stiga sem Vettel hefur náð á árinu.

„Hvað get ég sagt. Fyrir mig er það framhald draumsins að fá að vera annað ár með Ferrari,“ sagði Raikkonen.

„Ég er einbeittari en áður og vil þakka fólkinu sem gaf mér þetta tækifæri. Ég vil einnig þakka öllum aðdáendum mínum og Ferrari fyrir að standa með okkur,“ bætti Raikkonen við.

„Þetta hefur verið markmiðið okkar, í reikninginn þarf að taka frábært samband á milli Kimi og Seb. Hvað okkur varðar sýnir þetta traust okkar á Kimi og ég tel að við munum sjá það bera ávöxt,“ sagði Arrivabene.