Athletic Bilbao handan við hornið hjá FH

Dregið var í forkeppni Evrópudeildar UEFA í morgun en ljóst er að FH fær stórleik í 3. umferð ef liðið kemst þangað. Sigurvegarinn í rimmu FH og Inter Bakú mætir spænska liðinu Athletic Bilbao.

FH tapaði í gær fyrir aserska liðinu, 2-1, á heimavelli. FH komst yfir en missti mann af velli með rautt spjald. Síðari leikurinn fer fram í Bakú á fimmtudag.

KR tapaði fyrir Rosenborg, 1-0, en takist KR að komast áfram mun liðið leika annað hvort gegn Skonto frá Lettlandi eða Debreceni frá Ungverjalandi. Fyrri leik liðanna í þeirri rimmu lauk með 2-2 jafntefli í Lettlandi.

Annarri umferð forkeppninnar er ekki lokið en síðari leikirnir í henni fara fram á fimmtudaginn í næstu viku. Þriðja umferð forkeppninnar hefst svo viku síðar.

AZ Alkmaar, sem Aron Jóhannsson leikur með, mætir Başakşehir frá Tyrklandi og byrjar á heimavelli. Alexander Helgi Sigurðarson leikur einnig með liðinu sem og Viktor Karl Einarsson og Jónatan Ingi Jónsson. Alexander Helgi hefur fengið tækifæri með aðalliði AZ í sumar.

Hólmar Örn Eyjólfsson leikur sem kunnugt er með Rosenborg.

FC Krasnodar, lið Ragnars Sigurðarssonar, mætir annað hvort Slovan Bratislava eða University College Dublin.

Þá drógst Southampton gegn Vitesse frá Hollandi.