Iniesta vill vinna alla sex titlana á næstu leiktíð

Andrés Iniesta, miðjumaður Barcelona, segir að Barcelona vilji vinna alla sex titlana sem í boði eru á næstu leiktíð. Barcelona vann þrennuna á síðustu leiktíð, en Iniesta vill gera enn betur á næstu leiktíð.

„Markmiðið er að vinna alla sex titlana. Enginn trúði því að við myndum vinna þrennuna og það mun enginn trúa því að við getum unnið alla sex titlana, en við höfum liðið til þess að gera það," sagði Iniesta.

Undafarna daga og vikur hefur Arda Turan, miðjumaður Atletico Madrid, og Paul Pogba, miðjumaður Juventus, verið orðaðir við Barcelona, en Barcelona má þó ekki kaupa fyrr en í janúar vegna félagskiptabanns.

„Hann er frábær leikmaður og er mjög hæfileiakríkur. Ef hann kemur þá verður tekið vel á mótinu. Hann myndi styrkja liðið og það er mikilvægt að styrkja liðið," sagði Iniesta um Turan, en hvað finnst Iniesta um Pogba?

„Hann er leikmaðurinn sem öll toppliðin væru til í að hafa. Hann er mjög ungur, hæfileikaríkur og hefur getuna til þess að spila á hæsta stigi."