Kia Gullhringurinn í júlí

Kia Gullhringurinn er ein vinsælasta hjólreiðakeppni landsins og var fyrst haldin árið 2012. Keppnin er haldin á Laugarvatni og hjólað um margar þekktustu náttútuperlur Íslands um leið og hjólað er um þekktustu söguslóðir þjóðarinnar, Skálholt, Bræðratungu svo ekki sé nú minnst á Þingvelli.

Keppnin í ár verður haldin 11. júlí n.k. Mottó Gullhringsins er: ,,Allir hjóla, allir vinna og allir velkomnir”. Hægt er  að velja sér vegalengd eftir getu hvers og eins. Allt þekktasta hjólreiðafólk landsins hefur hjólað Kia Gullhringinn sem og nýliðar í sportinu, en þeir hafa margir hverjir notað Kia Gullhringinn sem fyrstu keppnina sína og þannig formlegu innkomu sína í sportið.

Hjólað að kveldi í ár

Keppendur koma saman við íþróttamiðstöðina á Laugarvatni klukkutíma fyrir ræsingu. Fimmtán mínútúr fyrir ræsingu hjóla þeir uppá þjóðveg og eru keppendur í öllum stigunum ræstir með örstuttu millibili. Í ár hafa verið gerðar smá breytingar í samvinnu við Vegagerðina en nú í sumar verða keppendur ræstir kl. 18 og verður hjólað inn í kvöldið. 

Þegar keppendur koma í mark er þeim boðið í dýrindis kjötsúpu og svo í Fontana laugarnar á meðan húsrúm leyfir en síðan er opið í laugina á Laugarvatni í íþróttamiðstöðinni fyrir þá sem komast ekki að í Fontana. Skráning er á www.kiagullhringurinn.is en 3 vegalengdir eru í boði, 106 km, 63 km og 48 km og þátttökugjald 6.900 kr. Kia eigendur munu fá frítt fyrir sig og einn fjölskyldumeðlim.