Voru báðir að þreyta sama urriðann Karl Lúðvíksson skrifar 4. júní 2015 10:05 Eins og sést eru báðar flugurnar teknar á svipuðum stað í urriðanum Það kemur stundum fyrir að veiðimenn landi fiski sem er með flugu í kjaftinum eftir fyrri viðureign þar sem fiskurinn hefur greinilega haft betur. Sumir veiðimenn hafa þann sið að sleppa alltaf þannig fiski þar sem hann sýnir greinilega að hann ber með sér góð gen þar sem hann hafði betur en maður og stöng. Við höfum hins vegar ekki oft heyrt af því þegar sami fiskurinn tekur tvær flugur þegar þær eru báðar ennþá á færi veiðimanna en þetta gerðist nýlega í Þingvallavatni í Þorsteinsvík hjá þeim félögum Tómasi Skúlasyni og Sigurjóni Sigurjónssyni. "Við vorum að veiða í Þorsteinsvíkinni og það var töluvert bil á milli okkar. Sigurjón setur í fisk og nokkrum andartökum síðar ég líka. Þarna vorum við báðir að þreyta þegar við tökum eftir því að þegar ég toga inn fer út af hjólinu hans. Við vorum greinilega flæktir svo ég bið Sigurjón um að draga bara inn, leysa flækjuna svo ég gæti náð mínum fisk inn líka. Þegar Sigurjón er búinn að landa kallar hann á mig að koma og ég ætlaði varla að trúa þessu en báðar flugurnar voru í kjaftinum á urriðanum" sagði Tómas Skúlason þegar við heyrðum í honum í morgun. "Ég hef veitt mikið og farið víða en aldrei lent í þessu áður" bætir Tómas við en hann er á leiðinni norður í Laxá í Mývatnssveit þar sem hann mun veiða næstu daga. Eins og sést á meðfylgjandi mynd eru báðar flugurnar snyrtilega teknar í kjaftvikinu á fiskinum sem var um 5 pund að þyngd. Stangveiði Mest lesið Ágæt veiði í opnun Veiðivatna þrátt fyrir kulda og trekk Veiði Stórir urriðar á sveimi við Þjóðgarðinn Veiði 9 kg lax úr Eystri Rangá í morgun Veiði Ótrúlegur eltingaleikur við risalax - myndband Veiði Lokatölur úr Veiðivötnum Veiði Svíar leita til Íslands með veiðifyrirkomulag Veiði Fréttir af svæðum SVFR Veiði Þegar veðrið breytir öllu í veiði Veiði 100 urriðar á einum degi á ION Veiði Nýtt veiðihús klárt fyrir næsta sumar í Brynjudalsá Veiði
Það kemur stundum fyrir að veiðimenn landi fiski sem er með flugu í kjaftinum eftir fyrri viðureign þar sem fiskurinn hefur greinilega haft betur. Sumir veiðimenn hafa þann sið að sleppa alltaf þannig fiski þar sem hann sýnir greinilega að hann ber með sér góð gen þar sem hann hafði betur en maður og stöng. Við höfum hins vegar ekki oft heyrt af því þegar sami fiskurinn tekur tvær flugur þegar þær eru báðar ennþá á færi veiðimanna en þetta gerðist nýlega í Þingvallavatni í Þorsteinsvík hjá þeim félögum Tómasi Skúlasyni og Sigurjóni Sigurjónssyni. "Við vorum að veiða í Þorsteinsvíkinni og það var töluvert bil á milli okkar. Sigurjón setur í fisk og nokkrum andartökum síðar ég líka. Þarna vorum við báðir að þreyta þegar við tökum eftir því að þegar ég toga inn fer út af hjólinu hans. Við vorum greinilega flæktir svo ég bið Sigurjón um að draga bara inn, leysa flækjuna svo ég gæti náð mínum fisk inn líka. Þegar Sigurjón er búinn að landa kallar hann á mig að koma og ég ætlaði varla að trúa þessu en báðar flugurnar voru í kjaftinum á urriðanum" sagði Tómas Skúlason þegar við heyrðum í honum í morgun. "Ég hef veitt mikið og farið víða en aldrei lent í þessu áður" bætir Tómas við en hann er á leiðinni norður í Laxá í Mývatnssveit þar sem hann mun veiða næstu daga. Eins og sést á meðfylgjandi mynd eru báðar flugurnar snyrtilega teknar í kjaftvikinu á fiskinum sem var um 5 pund að þyngd.
Stangveiði Mest lesið Ágæt veiði í opnun Veiðivatna þrátt fyrir kulda og trekk Veiði Stórir urriðar á sveimi við Þjóðgarðinn Veiði 9 kg lax úr Eystri Rangá í morgun Veiði Ótrúlegur eltingaleikur við risalax - myndband Veiði Lokatölur úr Veiðivötnum Veiði Svíar leita til Íslands með veiðifyrirkomulag Veiði Fréttir af svæðum SVFR Veiði Þegar veðrið breytir öllu í veiði Veiði 100 urriðar á einum degi á ION Veiði Nýtt veiðihús klárt fyrir næsta sumar í Brynjudalsá Veiði