Pistorius sleppt úr fangelsi í ágúst

Samúel Karl Ólason skrifar 8. júní 2015 12:55

Oscar Pistorius verður sleppt úr fangelsi þann 21. ágúst næstkomandi. Nánar tiltekið verður Pistorius sleppt á skilorði, en hann var dæmdur í fimm ára fangelsi fyrir manndráp í fyrra. Hann hóf afplánun sína í október og mun því ekki sitja inni í eitt ár.

Pistorius var dæmdur fyrir að skjóta kærustu sína Reeva Steenkamp til bana á heimili þeirra þann 14. febrúar 2014.

Samkvæmt lögum í Suður-Afríku er heimilt að veita föngum skilorð, en þó undir eftirliti, þegar þeir hafa afplánað einn sjötta af refsingu sinni. Í nóvember verður áfrýjun ákæruvaldsins varðandi sýknun hans vegna morðákæru tekin fyrir í dómstólum þar í landi.

Samkvæmt BBC fékk Pistorius skilorð eftir meðmæli stjórnenda fangelsisins þar sem hann er að afplána dóm sinn.

Oscar Pistorius

Tengdar fréttir

Frænka Reevu frétti af dauða hennar í útvarpinu

Frænka Reevu Steenkamp brotnaði niður þegar hún bar vitni í dag í sérstökum vitnaleiðslum þar sem deilt er um hver refsing Oscars Pistorius skal vera.

15. október 2014 21:48

Saksóknarar í máli Pistorius áfrýja

Saksóknarar segja dóminn yfir Oscar Pistorius hafa verið "hneykslanlega léttvægan“, en svo kann að fara að honum verði sleppt eftir tíu mánuði.

4. nóvember 2014 14:44

Pistorius í fimm ára fangelsi

Oscar Pistorius, Suður Afríski spretthlauparinn sem skaut unnustu sína Reevu Steenkamp til bana var í morgun dæmdur í fimm ára fangelsi. Hann hafði áður verið fundinn sekur um manndráp af gáleysi. Þá fékk hann einnig þriggja ára fangelsisdóm fyrir brot á vopnalögum en sá dómur var skilorðsbundinn.

21. október 2014 08:49