Simms dagar um helgina hjá Veiðivon

Verslunin Veiðivon heldur sína árlegu Simms daga um helgina og eins og venjulega er mikið fyrir veiðimenn að skoða og sjá.

Sérfæðingar Simms verða á staðnum að sýna viðgerðir á Simms Gore-Tex vörum og bjóða öllum þeim sem eiga Simms Gore-Tex vöðlur eða jakka að kíkja með þær í búðina um helgina.  Veiðivon er að taka upp fyrstu stóru sumarsendinguna frá Simms þessa dagana og þar kennir ýmissa grasa og munum þeir að sjálfsögðu sýna og segja frá því nýjasta frá Simms fyrir sumarið. Sérfræðingarnir eru til taks til að ræða við gesti og gangandi um allt það nýja frá Simms.

Einnig verður á staðnum fulltrúi frá Angling iQ sem er nýtt íslenskt veiði app í snjallsíma sem er á leiðinni á markað í sumar. Við fáum að vita allt um appið, hvernig það virkar og munu gestir fá tækifæri til að skrá sig í prófanir á appinu.