Ótrúlegt myndband af snjóflóði í grunnbúðum Everest

Þýski fjallgöngumaðurinn Jost Kobusch hefur birt ótrúlegt myndband sem sýnir þegar snjóflóð fellur á grunnbúðirnar í Everest í gær.

Skjálftinn mikli sem var í gærmorgun orsakaði snjóflóð í hlíðum Everest og hefur verið greint frá því að sautján hafi farist og rúmlega sextíu hafi slasast í grunnbúðunum eða annars staðar í fjallinu. Að minnsta kosti 2.600 manns létust í skjálftanum í landinu öllu.

Á vefsíðunni Reddit hvetur Kobusch fólk til að leggja fé til hjálparsamtaka enda gríðarlegt uppbyggingarstarf framundan í Nepal.

Sjá myndband Kobusch  að neðan.