Páll Óskar ljómar á sviðinu í Talent-höllinni

Páll Óskar Hjálmtýsson mun frumflytja glænýtt lag í beinni útsendingu í úrslitaþætti Ísland Got Talent á Stöð 2 á sunnudagskvöld.

Páll hefur verið að æfa lagið í Talent-höllinni í dag og að sögn viðstaddra er lagið einstaklega vel heppnað.

Sjá einnig: Palli frumflytur lag í Ísland Got Talent

Aðstandendur keppninnar buðu Palla að frumflytja lagið í lokaþættinum, sem hann auðvitað þáði.

„Um leið og ég er búinn að frumflytja lagið, bara um leið og ég stíg af sviðinu, verður hægt að ná í lagið á palloskar.is, á Spotify og tónlist.is,“ sagði Palli í viðtalið við Fréttablaðið í vikunni, en hann ætlar að bæta um betur og verður lagið þar aðgengilegt án endurgjalds.

Úrslitaþátturinn hefst klukkan 19:10 annað kvöld og verður í beinni útsendingu á Stöð 2.