Banaslys á Suðurlandsvegi

Banaslys varð á Suðurlandsvegi, vestan við Kirkjubæjarklaustur, á tíunda tímanum í morgun.

Í tilkynningu frá lögreglunni á Suðurlandi kemur fram að tveir erlendir ferðamenn voru í bílnum og svo virðist sem að ökumaðurinn hafi misst stjórn á bílnum í slæmri færð með þeim afleiðingum að bíllinn valt út fyrir veg.

Annar aðilanna sem voru í bílnum var úrskurðaður látinn á vettvangi en hinn er lítils háttar slasaður.

Lögregla er að vinna á vettvangi og er rannsókn málsins á frumstigi.