Hvernig velurðu verjur?

Val á verjum getur verið flókið ef þú ætlar að nota eitthvað annað en smokkinn.

Það er réttast að taka fram að smokkurinn er eina verjan sem ver gegn kynsjúkdómum auk getnaði.

Ef leitin er að verju gegn getnaði þá kemur ýmislegt til greina.

Sumar eru með hormónum líkt og pillan (það eru til margar tegundir af pillum), stafurinn, hormónalykkjan, hringurinn, plásturinn og sprautan. Neyðarpillan er strangt til tekið ekki getnaðarvörn.

Hormón henta einstaklingum misvel og því gæti viðkomandi þurft að prófa sig áfram upp á hvað hentar. Þá skal tekið fram að hormóna getnaðarvarnir verka aðeins gegn þungun hjá þeim sem eru með píku.

Þá eru til varanlegri lausnir líkt og aðgerð en einnig er hægt að nota hettuna sem er sett upp rétt fyrir samfarir.

Einnig eru til verjur sem innihalda engin hormón líkt og koparlykkja, smokkurinn, hettan og náttúrulega leiðin.

Landlæknisembættið er með ítarlegan bækling sem fjallar um kosti og galla ýmissa getnaðarvarna og ber þær saman.

Einnig er vefsíðan Besider með auðvelda flokkun til að auðvelda þér valið útfrá hvað hentar þér best. Ef þú svo smellir á hverja verju fyrir sig þá fylgir smá útskýring.

Ef þú ert að velta fyrir þér verjum þá getur verið gott að gera það í samræmi við kvensjúkdómalækni eða hjúkrunarfræðingi.