Arrivabene: Ökumenn Ferrari fullkomin blanda

Liðsstjóri Ferrari liðsins, Maurizio Arrivabene kallaði ökumanns samsetningu liðsins „fullkomna blöndu.“

Kimi Raikkonen og fjórfaldi heimsmeistarinn Sebastian Vettel munu aka fyrir ítalska stórveldið í ár. Vettel kom til liðsins fyrir tímabilið til að aka fyrir drauma liðið sitt.

Arrivabene segir ökumennina vinna vel sama þrátt fyrir að vera afar ólíkir. Hann segist sannfærður um að þeim muni saman takast að koma Ferrari aftur á sigurbrautina.

„Kimi er manngerð sem vill ekki tala um heimskulega hluti, hann vill tala um hluti sem skiðta máli,“ sagði Arrivabene.

„Annað hvort er hann hættur að tala við þig eftir tvær mínútur og réttir þér höndina eða hann faðmar þig eftir tveggja klukkustunda samtal. Sumum finnst þetta skrýtið. Ökumenn eru skrýtnir. En hann er góður maður og góður ökumaður,“ sagði liðsstjórinn.

Liðsfélagi hans, er líkur Michael Schumacher að mörgu leyti að mati Arrivabene. Sérstaklega hvað varðar það að vilja sífellt verða betri og betri og hann gefur allt til að hjálpa liðinu að ná framförum.

„Seb er öðruvísi - virkilega fagmannlegur. Hann minni mig á annan þýskan ökumann,“ sagði Ítalinn og átti við Schumacher.

„Ég dáðist að einbeitingu hans og hversu mikið hann vinnur í smáatriðum bílsins. Hann tekur punkta og talar um þá á fundum. Það er frábært. Við erum með tvo ólíka ökumenn en báðir eru staðráðnir í að ná árangri. Við erum með fullkomna blöndu,“ sagði Arrivabene að lokum.