Tíu marka sigur Stjörnunnar

Stjarnan vann í kvöld öruggan tíu marka sigur á FH í Olísdeild kvenna, 26-16.

Stjörnukonur höfðu sjö marka forystu í hálfleik, 13-6, og eru nú komnar með 28 stig í deildinni.

Stjarnan komst með sigrinum upp að hlið Fram í öðru sæti deildarinnar en Framarar eiga þó leik til góða. Grótta er á toppnum með 31 stig.

FH-ingar eru í næstneðsta sæti Olísdeildarinnar með níu stig að loknum átján leikjum.

FH - Stjarnan 16-26 (6-13)

Mörk FH: Heiðdís Rún Guðmundsdóttir 7, Ingibjörg Pálmadóttir 4, Rakel Sigurðardóttir 2, Aníta Mjöll Ægisdóttir 1, Rebekka Guðmundsdóttir 1, Sara Kristjánsdóttir 1.

Mörk Stjörnunnar: Helena Rut Örvarsdóttir 4, Stefanía Theódórsdóttir 4, Hanna G. Stefánsdóttir 4, Sandra Sif Sigurjónsdóttir 4, Sólveig Lára Kjærnested 3, Kristín Viðarsdóttir Scheving 2, Þórhildur Gunnarsdóttir 2, Guðrún Erla Bjarnadóttir 1, Nataly Sæunn Valencia 1, Arna Dýrfjörð 1.