Haukar örugglega í undanúrslit

Haukar áttu ekki í vandræðum með tryggja sér sæti í undanúrslit Coca Cola bikars karla í handbolta í dag þegar liðið lagði ÍBV 2 á útivelli 33-21.

Haukar voru 16-10 yfir í hálfleik og trygðu sér sæti í úrslitahelginni í Laugardalshöllinni vandræða lítið.

Heimir Óli Heimisson og Brynjólfur Snær Brynjólfsson skoruðu 6 mörk hvor fyrir Hauka og Adam Haukur Baumruk og Vilhjálmur Geir Hauksson 5 mörk hvor.

Sigurður Bragason fór fyrir leikreyndu liðið ÍBV 2 og skoraði 6 mörk. Hilmar Björnsson skoraði 5 mörk.

Þetta var annar sigur Hauka í Vestmannaeyjum á skömmum tíma því Haukar lögðu ÍBV í deildinni í Eyjum á fimmtudag.