Grillað grasker, smámaís og paprika með möndluolíu

Í síðasta þætti í Eldhúsinu hans Eyþórs á Stöð 2 bjó hann til dásamlegt salat sem á við hvort sem er að sumri eða vetri til. 

Grillað grasker, smámaís og paprika með möndluolíu

Grillað grænmeti

1 stk grasker (butternut)

2 box smámaís

1 stk appelsínugul paprika

1 stk rauð paprika

1 tsk reykt paprikuduft

1 tsk brodd kúmen (ristað á pönnu)

1 tsk fennelfræ (ristuð á pönnu)

1 tsk svört pipar korn

40 ml ólífuolía

1 tsk sjávarsalt

Skrælið og skerið graskerið í skífur og setjið í skál með maísnum. Skerið paprikuna líka í skífur og setjið út í skálina. Brjótið brodd kúmenið í kryddkvörn eða morteli. Setjið kryddin út í skálina ásamt ólífuolíunni og sjávarsaltinu og blandið vel saman. Látið standa yfir nótt inn í ísskáp eða í minnst 8 tíma. Hitið grillpönnu og grillið grænmetið í ca. 3 mín. á hvorri hlið. Setið í eldfast mót og setjið álpappír yfir. Látið standa þannig í 10 mín.

Möndluolía

150 gr ristaðar möndlur

100 ml ólífuolía

½ tsk laukduft

¼ tsk hvítlauksduft

¼ tsk cayanna pipar

Sjávarsalt

safi úr ½ sítrónu

Setjið allt saman í matvinnsluvél og vinnið saman í ca. 2 mín. Smakkið til með  saltinu og sítrónusafanum

Salatið

1 poki blandað salat

1 plata af fetaosti

Grillaða grænmetið

Möndluolían

Setjið salatið í botninn á fatinu og raðið grillaða grænmetinu yfir. Myljið fetaostinn yfir grænmetið og dreifið möndluolíunni yfir.