Super Bowl leikmannakynning: Tom Brady Tómas Þór Þórðarson skrifar 28. janúar 2015 13:10 Tom Brady er einn besti leikstjórnandi sögunnar. vísir/getty Super Bowl, stærsti íþróttaviðburður Bandaríkjanna á hverju ári, fer fram á sunnudagskvöldið. Þar mætast að þessu sinni ríkjandi meistarar Seattle Seahawks og þrefaldir meistarar New England Patriots. Leikurinn verður í beinni útsendingu á Stöð 2 Sport og rétt eins og í fyrra verður mikil og flott dagskrá í kringum leikinn. Andri Ólafsson stýrir pallborðsumræðum fyrir leik, í hálfleik og eftir leik auk þess sem sérfræðingarnir koma reglulega inn í leikhléum og fara yfir gang mála. Í aðdraganda leiksins um Vísir hita vel upp fyrir leikinn, meðal annars með leikmannakynningum sem hefjast í dag. Fyrstir á dagskrá eru leikstjórnendurnir og byrjað er á Tom Brady, leikstjórnanda New England Patriots.Sjá einnig:Russell Wilson Vertu með í veislunni á sunnudaginn og taktu þátt í umræðunni á Twitter með kassmerkinu #NFLÍsland. Þeir sem verða með Super Bowl-veislur eru hvattir til að senda inn myndir sem verða birtar í útsendingunni. Hver verður með bestu veisluna?Brady umkringdur á fjölmiðladeginum fyrir Superbowl.vísir/gettyNafn: Tom BradyAldur: 37 áraFrá: San Mateo í KaliforníuHáskóli: University of Michigan, Ann ArborNýliðaval: Valinn nr. 199 í 6. umferðHelstu afrek: Super Bowl-meistari (2001, 2003 og 2004), Besti leikmaðurinn í Super Bowl (2001 og 2003), AFC-meistari (2001, 2003, 2004, 2007, 2011, 2014), besti leikmaðurinn í NFL (2007 og 2010), tíu sinnum valinn í stjörnuliðið. Þrátt fyrir ævintýralegan árangur á stórkostlegum ferli bjóst enginn í raun við neinu af Tom Brady í NFL-deildinni. Saga hans er blanda af óbilandi trú á sjálfum sér og smá heppni. Hann ólst upp í San Mateo í Kaliforníu og var dyggur stuðningsmaður San Francisco 49ers. Faðir hans var mikill NFL-áhugamaður og tók hann með sér á völlinn, en Brady var á vellinum þegar Joe Montana, leikstjórnandi 49ers, fann Dwight Clark í endamarkinu í úrslitaleik NFC-deildarinnar árið 1981. Það kast er einfaldlega kallað: „Kastið“.Brady stillir upp í kerfi í fyrsta Superbowl-leiknum sínum af fimm.vísir/gettyBrady var ekki eftirsóttur af neinum háskóla þrátt fyrir ágætan feril í menntaskóla, en með hjálp þjálfara síns þar komst hann að hjá Michigan, einum af stærstu háskólum landsins. Þar var hann sjöundi leikstjórnandi til að byrja með og spilaði ekki leik fyrstu tvö árin sín. Hann hafði betur í baráttunni gegn Drew Henson seinni tvö árin sín í háskólanum, en þegar Henson kom til skólans átti hann að vera aðalleikstjórnandinn. Brady hafði einstakt lag á að koma Michigan-liðinu úr erfiðum stöðum og kom gjarnan inn á þegar Henson var búinn að koma því í klípu. Á endanum gafst þjálfarinn upp á að láta Henson byrja og lét Brady fá stöðuna. Eins og þegar hann kom úr menntaskóla höfðu ekki margir áhuga á Brady þegar hann skráði sig í nýliðavalið. Í æfingabúðunum fyrir nýliðavalið hljóp hann hægast allra, stökk lægst og fékk skelfilega útreið í njósnaskýrslum fagmannanna sem fylgjast með þeim kjötmarkaði. Á endanum var hann valinn af New England Patriots númer 199 í nýliðavalinu.Tom Brady hefur unnið deildartitiilinn, AFC-deildina í hans tilviki, sex sinnum. Oftar en nokkur annar.vísir/gettyBrady og Robert Kraft, eigandi Patriots, hafa báðir sagt söguna af því þegar Brady kom upp að honum sumarið 2000 eftir nýliðavalið og sagði: „Herra Kraft, ég heiti Tom Brady. Að velja mig er besta ákvörðun sem þetta félag hefur og mun nokkurn tíma taka.“ Kraft datt væntanlega ekki í hug að sú væri raunin. Nýliðaárið sitt spilaði Brady ekkert. Hann byrjaði æfingabúðirnar sem fjórði leikstjórnandi en vann sér inn sæti varmanns Drew Bledsoe sem var aðalmaðurinn hjá New England. Hann átti að leiða liðið næstu árin enda nýbúinn að fá flottan samning. En þá var komið að heppni Brady. Í öðrum leik tímabilið 2001 meiddist Bledsoe gegn New York Jets og þurfi að fara af velli í fjórða leikhluta. Til að gera langa sögu stutta voru þessi skipti það besta sem gat komið fyrir liðið. Brady fór með liðið alla leið á sínu fyrsta ári sem leikstjórnandi og vann Super Bowl í leik gegn St. Louis Rams.Hann hefur síðan þá unnið þann stóra tvívegis til viðbótar og farið fimm sinnum í úrslit. Hann á nú að baki sex deildarsigra, þ.e. sigur í AFC-úrslitaleiknum, en enginn annar hefur komist jafn oft í Super Bowl. Enginn hefur unnið fleiri leiki í úrslitakeppninni og þá er hann eini maðurinn sem hefur verið kosinn besti leikmaðurinn í NFL-deildinni með fullu húsi stiga (2010). Átrúnaðargoð Bradys er Joe Montana sem vann Super Bowl fjórum sinnum með San Francisco 49ers. Brady er búinn að slá öll met Montana, sem af mörgum er talinn sá besti í sögunni. Nú þarf hann bara að vinna á sunnudaginn til að jafna við hann í Super Bwl-titlum.Ekki missa af Super Bowl og öllu hinu á Stöð 2 Sport og Stöð 2 Sport 2 - allt í leiftrandi háskerpu. Kynntu þér nýja sportpakka á 365.is. NFL Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Sjá meira
Super Bowl, stærsti íþróttaviðburður Bandaríkjanna á hverju ári, fer fram á sunnudagskvöldið. Þar mætast að þessu sinni ríkjandi meistarar Seattle Seahawks og þrefaldir meistarar New England Patriots. Leikurinn verður í beinni útsendingu á Stöð 2 Sport og rétt eins og í fyrra verður mikil og flott dagskrá í kringum leikinn. Andri Ólafsson stýrir pallborðsumræðum fyrir leik, í hálfleik og eftir leik auk þess sem sérfræðingarnir koma reglulega inn í leikhléum og fara yfir gang mála. Í aðdraganda leiksins um Vísir hita vel upp fyrir leikinn, meðal annars með leikmannakynningum sem hefjast í dag. Fyrstir á dagskrá eru leikstjórnendurnir og byrjað er á Tom Brady, leikstjórnanda New England Patriots.Sjá einnig:Russell Wilson Vertu með í veislunni á sunnudaginn og taktu þátt í umræðunni á Twitter með kassmerkinu #NFLÍsland. Þeir sem verða með Super Bowl-veislur eru hvattir til að senda inn myndir sem verða birtar í útsendingunni. Hver verður með bestu veisluna?Brady umkringdur á fjölmiðladeginum fyrir Superbowl.vísir/gettyNafn: Tom BradyAldur: 37 áraFrá: San Mateo í KaliforníuHáskóli: University of Michigan, Ann ArborNýliðaval: Valinn nr. 199 í 6. umferðHelstu afrek: Super Bowl-meistari (2001, 2003 og 2004), Besti leikmaðurinn í Super Bowl (2001 og 2003), AFC-meistari (2001, 2003, 2004, 2007, 2011, 2014), besti leikmaðurinn í NFL (2007 og 2010), tíu sinnum valinn í stjörnuliðið. Þrátt fyrir ævintýralegan árangur á stórkostlegum ferli bjóst enginn í raun við neinu af Tom Brady í NFL-deildinni. Saga hans er blanda af óbilandi trú á sjálfum sér og smá heppni. Hann ólst upp í San Mateo í Kaliforníu og var dyggur stuðningsmaður San Francisco 49ers. Faðir hans var mikill NFL-áhugamaður og tók hann með sér á völlinn, en Brady var á vellinum þegar Joe Montana, leikstjórnandi 49ers, fann Dwight Clark í endamarkinu í úrslitaleik NFC-deildarinnar árið 1981. Það kast er einfaldlega kallað: „Kastið“.Brady stillir upp í kerfi í fyrsta Superbowl-leiknum sínum af fimm.vísir/gettyBrady var ekki eftirsóttur af neinum háskóla þrátt fyrir ágætan feril í menntaskóla, en með hjálp þjálfara síns þar komst hann að hjá Michigan, einum af stærstu háskólum landsins. Þar var hann sjöundi leikstjórnandi til að byrja með og spilaði ekki leik fyrstu tvö árin sín. Hann hafði betur í baráttunni gegn Drew Henson seinni tvö árin sín í háskólanum, en þegar Henson kom til skólans átti hann að vera aðalleikstjórnandinn. Brady hafði einstakt lag á að koma Michigan-liðinu úr erfiðum stöðum og kom gjarnan inn á þegar Henson var búinn að koma því í klípu. Á endanum gafst þjálfarinn upp á að láta Henson byrja og lét Brady fá stöðuna. Eins og þegar hann kom úr menntaskóla höfðu ekki margir áhuga á Brady þegar hann skráði sig í nýliðavalið. Í æfingabúðunum fyrir nýliðavalið hljóp hann hægast allra, stökk lægst og fékk skelfilega útreið í njósnaskýrslum fagmannanna sem fylgjast með þeim kjötmarkaði. Á endanum var hann valinn af New England Patriots númer 199 í nýliðavalinu.Tom Brady hefur unnið deildartitiilinn, AFC-deildina í hans tilviki, sex sinnum. Oftar en nokkur annar.vísir/gettyBrady og Robert Kraft, eigandi Patriots, hafa báðir sagt söguna af því þegar Brady kom upp að honum sumarið 2000 eftir nýliðavalið og sagði: „Herra Kraft, ég heiti Tom Brady. Að velja mig er besta ákvörðun sem þetta félag hefur og mun nokkurn tíma taka.“ Kraft datt væntanlega ekki í hug að sú væri raunin. Nýliðaárið sitt spilaði Brady ekkert. Hann byrjaði æfingabúðirnar sem fjórði leikstjórnandi en vann sér inn sæti varmanns Drew Bledsoe sem var aðalmaðurinn hjá New England. Hann átti að leiða liðið næstu árin enda nýbúinn að fá flottan samning. En þá var komið að heppni Brady. Í öðrum leik tímabilið 2001 meiddist Bledsoe gegn New York Jets og þurfi að fara af velli í fjórða leikhluta. Til að gera langa sögu stutta voru þessi skipti það besta sem gat komið fyrir liðið. Brady fór með liðið alla leið á sínu fyrsta ári sem leikstjórnandi og vann Super Bowl í leik gegn St. Louis Rams.Hann hefur síðan þá unnið þann stóra tvívegis til viðbótar og farið fimm sinnum í úrslit. Hann á nú að baki sex deildarsigra, þ.e. sigur í AFC-úrslitaleiknum, en enginn annar hefur komist jafn oft í Super Bowl. Enginn hefur unnið fleiri leiki í úrslitakeppninni og þá er hann eini maðurinn sem hefur verið kosinn besti leikmaðurinn í NFL-deildinni með fullu húsi stiga (2010). Átrúnaðargoð Bradys er Joe Montana sem vann Super Bowl fjórum sinnum með San Francisco 49ers. Brady er búinn að slá öll met Montana, sem af mörgum er talinn sá besti í sögunni. Nú þarf hann bara að vinna á sunnudaginn til að jafna við hann í Super Bwl-titlum.Ekki missa af Super Bowl og öllu hinu á Stöð 2 Sport og Stöð 2 Sport 2 - allt í leiftrandi háskerpu. Kynntu þér nýja sportpakka á 365.is.
NFL Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Sjá meira