Arnór Þór: Ég er meira tilbúinn í þetta mót en fyrir hin mótin

Arnór Þór Gunnarsson nýtti tækifærið í fjarveru Guðjóns Vals á æfingamótinu í síðustu viku og sýndi mikið öryggi á vítapunktinum.  

„Ég er alltaf klár í að taka víti ef ég verð beðinn um það.  Guðjón Valur er góð vítaskytta og það er erfitt að fara fram úr honum," sagði Arnór.   

Arnór Þór hefur staðið sig vel í þýsku úrvalsdeildinni í vetur og hann hefur verið duglegur að skora.  En er ekkert mál að standa á punktinum og taka víti?  „Jú auðvitað en það er góð tilfinning að fara á punktinn og skora.

Arnór segir að sér hafi gengið ágætlega á æfingunum í Katar en hann tognaði lítillega aftan í læri í leiknum við Slóvena og þurfti að láta sjúkraþjálfarana vinna fyrir kaupinu sínu en hann er búinn að vera með á tveimur æfingum í Katar og gengið vel.

Arnór er nú með á sínu þriðja stórmóti og segir að reynslan af hinum tveimur skipti miklu máli.  

„Ég held að ég sé meira tilbúinn í þetta mót en fyrir hin mótin.  Ég er rosalega spenntur og finn fyrir sömu tilfinningu hjá félögum mínum, menn vilja bara byrja mótið sem fyrst“.

 

Liðið æfir oftast tvisvar á dag en hvað gera leikmennirnir þess á milli?

„Borða, við erum eiginlega alltaf að borða.  Við fórum í göngutúra og kíkjum í „mollið“ og skoðum hvað er í boði.  Doha er æðisleg borg og allt til alls hérna,“ sagði Arnór.

Það má sjá allt viðtal Arnars Björnssonar við Arnór hér fyrir neðan.